Oqıǵa • 10 Tamyz, 2020

«Yzǵar» báıge alǵan kún

46 ret kórsetildi

1995 jyldyń 11 tamyzy edi. Álemdik aqyl-oıdyń bıigine shyqqan Abaıdyń 150 jyldyǵyna arnalǵan sharalar Semeı jerinde túıindelip, IýNESKO sheńberinde ótken toıdyń sońy at báıgesine ulasqan sát. Ulan-asyr toı qurmetine arnalǵan kishi alamanda Syr boıynyń «Yzǵary» 136 attyń ishinde aldyna qara salmaı kelip, ıesi Orynbaı Ahmetuly Shıelige bas báıgege tigilgen KamAZ kóligin minip qaıtqan edi.

Syrdaǵy dámeli júırikterdiń birazyn baptaǵan Orekeń sol týǵan jerinen taban ajyratqan joq. Áli sol Shıeliniń Alǵa­basynda turyp keledi. Áli de sol báıgege shabatyn tuqym alý­dyń qamymen júr.

– Hakim Abaıdyń 150 jyl­dyǵy táýel­sizdiktiń alǵashqy jylda­ryn­daǵy úlken toıdyń biri boldy ǵoı. Kóshe-kóshe bolyp tigilgen kıiz úıler, qazaq, orys jáne aǵylshyn tilderinde aıtylyp jatqan habarlandyrýlar ár elden ókil jınalǵan saltanattyń mereıin asyryp turǵandaı edi. Biz «Yzǵardy» qunan báıgege qosamyz dep aparǵanbyz. Sóıtsek bul óńirde ondaı báıge joq eken. Sonsha jerden kelgende meseli qaıtyp qalmasyn dep, attar jasyna qaramaı aralasa shabatyn 20 shaqyrymdyq kishi ala­manǵa qostyq, – deıdi Orynbaı Ahmetuly.

 «Kórmegen jerdiń oı-shuqyry kóp» degen ǵoı. Báıge uıymdastyrylǵan jer tastaq­taý eken. Al Shıeliniń qum­daýyt topy­raǵyn keship júrgen «Yz­ǵar» taǵalan­­baǵan edi. Soǵan qara­mastan baryn salyp, ózge attardan arqan boıy alda kelgen júıriktiń tas jep tastaǵan tórt tuıaǵy­nan qan sorǵalap ketipti. Baýyrlas Tatar­stan eliniń sol tustaǵy prezıdenti Mın­­tımer Sháımıevtiń júırik ıesine júl­de ta­bys­taǵany esten ketpes sáttiń biri boldy.

Sol báıgeden keıin ataǵy Qazaq­­stannyń ár túkpirine taraǵan «Yzǵar­dyń» shabandozy Abat Erzaqov degen bala edi. Qazir balaly-shaǵaly bir úıdiń otaǵasyna aınalǵan Abat Nur-Sultan qalasynda jumys isteıtin kórinedi.

Bas báıgege tigilgen KamAZ kóligin jıyr­ma jyldaı qyzyǵyna jaratypty. Ba­lalar eseıip, jumysqa turǵasyn kólik te satylyp ketti.

Orekeń keıin de biraz at baptady. Elordanyń bir jyldyǵyna arnalǵan báıgede «Sandýǵashy» qaraqshyǵa al­ǵashqy bolyp jetip, ıesine GAZ-3110 kóligin mingizdi. «Kagor», «Aıbek», «Qun­dyz» atty tulparlarynyń da jerge qaratqan kezi joq. Biraq Abaı toıynda alapatyn asyrǵan «Yzǵardaı» qaıdan bolsyn...

Odan beri de talaı ýaqyt ótipti-aý. Erteń «Yzǵardyń» júzdegen júırikten qara úzip kelip, báıgeli bolǵanyna 25 jyl tolady.

 

QYZYLORDA

 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar