Abaı • 10 Tamyz, 2020

Qaz-qatar qarasózder

81 ret kórsetildi

Abaıdyń ólmeıtin, ósh­peı­tin óleńderine qosa, qarasóz­deriniń ózi bólek bir álem, qun­dy qazyna. О́zge emes eń aldymen óziniń qazaǵyna qarata aıtylǵan bul jazbalardyń tálimdik-taǵylymdyq róli men yqpaly óte joǵary. Abaı zamany men danyshpan ómir súrgen ortadan bizdi ǵasyrdan artyq ýaqyt bólip jatsa da, onyń qarasózderinde aıtylǵan oılar men tujyrymdar máni men mańyzyn joıǵan joq.

Budan buryn Abaıdyń qarasózderin turǵyndar jaıaý serýendeıtin arbattar men kó­shelerge ilip, ornatyp qoısa ǵoı, shirkin, ár qazaqqa oı salar edi, sóıtip «jaman ádet­ten jırendirer» edi degen oılar da keletin. Is basyn­da júrgen aqtóbelik azamattar osy oıymyzdy oqyp qoı­ǵandaı kórindi.

Máseleniń mánisi mynada. Abaı dańǵyly Aqtóbe qa­lasynyń qaq ortasynda orna­lasqan. Eni keń pishilgen kelisti kósheniń eki jaq qaptaly jeńil avtokólik qozǵalysyna laıyqtalsa, mundaǵy at shaptyrym arbattyń ortańǵy bóligi jaıaý júrginshiler serýendep dem alatyn oryn retinde jasaqtalǵan. Mundaǵy gúlzarlar men aspanǵa shap­shyǵan sý burqaqtar, memle­kettik rásimderge arnalyp tur­­ǵyzylǵan tuǵyr kóshe kel­betin kóriktendire túskeni kámil.

Al taıaýda Abaı dańǵyly­nyń boıynan Abaıdyń qara­sózderi órnektelip jazylǵan taqta­lar qaz-qatar boı túzedi. Búginde ulttyń boıtu­ma­ryna aınalǵan danagóıdiń birinshi qarasózi jazylyp, ornatylǵan tusta onyń eskert­kishi de ashylmaq. Bul rásim tamyz aıynyń sońǵy aptasyna belgilengen. Uly aqynnyń ózi aıtqandaı «Syldyrap óńkeı kelisim, tas bulaqtyń sýyndaı» degenimiz sirá osyndaı-aq bolatyn shyǵar.

 

AQTО́BE

 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar