Aımaqtar • 11 Tamyz, 2020

Kásipkerler kópshilikke kómek kórsetýde

14 ret kórsetildi

Búginde elimizde dúnıeni dúrliktirgen koronavırýs indetimen kú­re­sýdiń tıimdi tásilderi qolǵa alynýda. Sonymen qatar, jer­gi­lik­ti aýrýhanalarǵa jáne jalpy halyqqa tıisti deńgeıde kómek kór­setilýde.

Bul rette birqatar jambyldyq kásipkerler qaýipti indetpen kúreste belsendilik tanytyp, kópshilikke qoldaý bildirdi. Má­se­len, «Qazfosfat» JShS bas dı­rektory, Qazaqstannyń Eńbek Eri Muqash Eskendirov osyndaı qıyn kezeńde Jambyl oblystyq aýrýhanasyna 16 ottegi konsentratyn jáne 2 kópfýnksıonaldyq tósek satyp alyp bergen. Jalpy, atalǵan kásiporyn qaýipti indetti jeńý maqsatynda 69,5 mln teńgege qaıyrymdylyq kómek kórsetken.

«Jumyla kótergen júk jeńil» demekshi, áýlıeatalyq áleýmettiń jaıyn oılaǵan jergilikti jomart jandar qaýipti indetpen kúreste aıanyp qalǵan joq. Biri óz esebinen ottegi konsentratyn, ókpeni jasandy jeldetý apparattaryn alyp berse, endi biri aýrýhanalarǵa dári-dármek jetkizip, dárigerler men naýqastarǵa ystyq tamaq pen sýsyndar uıymdastyrýdy qolǵa aldy. Máselen, «Altynalmas» AQ jalpy kólemi 42,5 mln teńgege qaıyrymdylyq kómek kórsetse, «Jambyl sement óndiristik kompanııasy» JShS bul maqsatqa 6,6 mln teńge bólip, demeýshilik jasaǵan. Sol sııaqty, Taraz qa­la­syndaǵy «Nur Islam» saýda or­talyǵy respıratorlar men qa­­jetti medısınalyq mas­ka­lar satyp alyp, óńirdegi aýrý­hanalarǵa taratqan. Onyń jal­py kólemi 520 myń teńgeni qu­raı­dy. Sonymen qatar Taraz qala­syn­daǵy «Kókjıek-2030» JShS óz qa­rajatyna 10 ottegi konsentratyn satyp alyp, onyń 5-eýin oblystyq aýrýhana men oblystyq kópbeıindi balalar aýrýhanasyna taratqan. Al qalǵan 5 ottegi konsentratyn Jýaly, T.Rysqulov, Jambyl, Baızaq jáne Talas aýdandaryndaǵy aýrýhanalarǵa jibergen. Atalǵan seriktestiktiń bas dırektory Ábdiǵalı Begim­be­tovtiń aıtýynsha, olar árbir ottegi konsentratyn 600 myń teń­ge­den alypty. «Kókjıek-2030» ká­siporny «Taraz» ÁKK UK AQ-men birlesip, bir paketi 12500 teńge bolatyn 1 myń dári-dármek pa­ketin daıyndap, ony oblystyń aýrýhanalaryna taratqan. «Bul indettiń kópshilikke ońaı tımegeni anyq. Sondyqtan da halyqqa qıyn bolǵan soń, seriktestik atynan biz de óz kómegimizdi berdik», deıdi Á.Begimbetov. Sonymen qatar «Sýperfarm» JShS muq­taj jandarǵa tegin taratý maq­sa­­tynda túrli qajetti dári-dár­mek­ter salynǵan 700 paketti Taraz­da­ǵy emhanalarǵa ótkizgen bolsa, «Taraz» ÁKK» UK» AQ 150 pa­ketti oblys ortalyǵyndaǵy em­ha­nalarǵa tapsyrǵan. Atalǵan kompanııanyń basqarma tóraǵasy Oljas Qarjaýovtyń aıtýynsha, olar oblys ákimi Berdibek Sa­par­baev­tyń tapsyrmasyna sáıkes, Shymkent qalasynda or­nalasqan «Zerde» kompanııasynan qaýipti indetke qarsy jáne naýqastardyń dene qyzýyn túsiretin dári-dármekterdi óz baǵasymen satyp alyp, óńirdiń 7 aýdanynda orna­las­qan dárihanalarǵa arzan baǵada taratqan.

 Búgingi tańda oblysta koro­na­vırýs indetin juqtyrýdyń deregi tómendegen. Qabyldanǵan jedel sharalardyń nátıjesinde ın­fek­sııalyq jáne provızorlyq stasıonarlardaǵy emdelýshiler qajetti dárilik preparattarmen qam­tamasyz etilgen. Nátıjesinde aýrý­dan aıyqqandar sany artýda. Bul rette oblystyq den­saý­lyq saqtaý basqarmasy bas­shy­synyń mindetin atqarýshy Hamıt Myrzaqasymovtyń aıtýynsha, «SQ-Farmasııa» JShS-men birlese otyryp, tıisti densaýlyq saqtaý nysandaryna 7,6 mlrd teńgeniń dári-dármekteri jetkizilgen. Sondyqtan da medı­sı­nalyq mekemelerde dári-dá­r­mekterdiń bir aılyq qory qalyp­tasqan. Naýqastardyń den­saý­ly­ǵyn qalpyna keltirý úshin aýrýhanalarda 476 ottegi konsentratory, 167 ókpeni jasandy jeldetý apparaty bar. Qazirgi kezde ókpeni jasandy jeldetý apparatynyń sany 30 paıyzǵa, ottegi konsentratorlarynyń sany 70 paıyzǵa artqan. «Dárigerler aýrýhanadan shyqqannan keıin de naýqastardyń jaǵdaıyn ba­qy­laýdy jalǵastyrýda. Olarǵa bul iste emhanalar bazasynda qu­rylǵan mobıldi toptar kó­mek­tesýde. Top músheleri shyǵa­ryl­ǵan emdelýshilerdiń jaǵ­da­ıyn tekserip, qajetti kómekter kórsetedi», deıdi H.Myrzaqasymov.

 

Jambyl oblysy

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar