Oqıǵa • 11 Tamyz, 2020

95 jasynda kýálik aldy

219 ret kórsetildi

Oral qalasynda turatyn soǵys ardageri Ibat Abdolov aqsaqal jaqynda 95 jasqa toldy. «Azamattarǵa arnalǵan úkimet» memlekettik korporasııasynyń Batys Qazaqstan oblystyq fılıaly qyzmetkerleri ardagerdiń úıine baryp, jańa tólqujatyn tabys etti.

Ibat Abdoluly sonaý 1925 jyly maýsymnyń 10-y kúni Taıpaq óńirinde dúnıege kelgen eken. 1943 jyly maıdanǵa alynǵanda nebári 18-de bol­ǵan. Úsh aılyq oqý-jattyǵý jıynynan soń Ýkraın, Belarýs maıdandaryna túsip, Kenıgsbergti, Varshava men Berlındi alýǵa qatysqan. Jaıaý ásker qatarynda tankige qarsy zeńbirek vzvodyn basqarǵan Ibat Abdolov sol bir qıyn kúnderde «Erligi úshin» medalimen marapattalǵan eken. Soǵys aıaqtalyp, elge kelgen soń sanaly ómirin ustazdyq jolǵa arnaǵan aqsaqal Terekti aýdany ortalyǵyndaǵy orta mektepti 20 jyl basqarypty. «KSRO-nyń eńbek sińirgen muǵalimi» ataǵy bar qarııa áli tyń.

– Buryn adamnyń jeke basyn anyqtaıtyn tólqujattar uzaq jyl­darǵa beriletin. Búginde 10 jyl saıy­n aýysyp turady. Biraq biz ardager­lerdi, múgedekterdi, taǵy da basqa tıisti ka­tegorııaǵa jatatyn azamattardy áýrege salmaı, úıine baryp ta qyzmet kórsetemiz. Jyl basynan beri bizdiń qyzmetkerler osyndaı 2 myń­nan asa adamnyń úıine baryp qyzmet kórsetti. Al Ibat aǵamyzǵa jańa kýáligin erekshe qurmetpen baryp tabys ettik, – deıdi Azamattarǵa arnalǵan úkimet memlekettik korporasııasy Batys Qazaqstan oblystyq fılıalynyń PR-menedjeri Maǵzýra Nurmuhanbetova.

Ibat aqsaqal ǵasyr jasasa da áli tyń. Jańa kýáligin jasaqtap, úıine deıin ákelip bergen Halyqqa qyz­met kórsetý ortalyǵynyń qyzmet­kerle­ri­ne rıza bolyp, aq batasyn jaý­dyrdy.

 

Batys Qazaqstan oblysy

 

Sońǵy jańalyqtar

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar