Qazaqstan • 13 Tamyz, 2020

Shymkent kásiporyndarynda Indýstrııa 4.0 elementterin engizý boıynsha onlaın-keńes ótti

5 ret kórsetildi

2020 jylǵy 13 tamyzda QR Indýstrııa jáne ınfraqurylymdyq damý mınıstrliginiń bastamasy boıynsha Vıse-mınıstr Dınara Sheglovanyń tóraǵalyǵymen Shymkent qalasynyń ónerkásiptik kásiporyndarynda Indýstrııa 4.0 elementterin engizý máseleleri boıynsha onlaın-keńes ótti. Bul týraly IIDM baspasóz qyzmeti habarlaıdy, dep jazady Egemen.kz

Is-shara Shymkent qalasy ákimdiginiń, oblystyń ónerkásiptik kásiporyndarynyń, «Innovasııalyq tehnologııalar parki» derbes klasterlik qorynyń, «QazIndustry» qazaqstandyq ındýstrııa jáne eksport ortalyǵy» AQ ókilderiniń qatysýymen ótti.

Búgingi tańda Shymkentte 4 kásiporyn 2024 jyldyń sońyna deıin 2 mlrd.teńge somasyna 23 jobany iske asyrýdy josparlap otyr. Onyń ishinde 1,7 mlrd. teńge somasyna 12 joba iske asyryldy. («PetroQazaqstan Oıl Prodakts» JShS, «Hımfarm» AQ, «Bal Tekstıl» JShS, «Karlskrona LC AB» JShS). 2024 jylǵa deıin ınvestısııa kólemi 517,4 mln. teńge bolatyn sıfrlyq tehnologııalardy engizý boıynsha 11 jobany iske asyrý josparlanýda

D. R. Sheglova Mınıstrliktiń ónerkásiptik nysandardy sıfrlandyrýǵa baǵyttalǵan keıbir bastamalary týraly qysqasha aıtyp berdi:

- «Innovasııalyq tehnologııalar parki» DKQ jáne «QazIndustry» AQ birlesip qurylǵan tehnologııalyq platformanyń kómegimen otandyq ónerkásiptik jáne AT kásiporyndaryn qoldaýdyń ekojúıesin qurý qajettiligi»;

- ónerkásipti sıfrlandyrý jáne Indýstrııa 4.0 kóshý úshin jaǵdaı jasaý jónindegi negizgi qadamdardy aıqyndaý;

- «Sıfrlyq Qazaqstan» memlekettik baǵdarlamasyna engizý úshin kásiporyndardy sıfrlandyrý boıynsha usynystar .

Sondaı-aq, keńeste Shymkent qalasyndaǵy jetekshi ónerkásiptik kásiporyndardyń biri «Hımfarm» AQ-nyń baıandamasy tyńdaldy, onda «QazIndustry» AQ baǵalaýyna sáıkes sıfrlandyrý deńgeıi ortasha deńgeıden joǵary bolyp tabylady.

Talqylaý barysynda memlekettik baǵdarlamaǵa engizý úshin kásiporyndardy sıfrlandyrý boıynsha usynystar engizýge baılanysty kóptegen praktıkalyq máseleler boıynsha jan-jaqty pikir almasyldy. Keńeske qatysýshylar ónerkásiptik kásiporyndardyń osy úderisindegi aıqyndaýshy rólin atap ótti.

Keńes barysynda taraptar barlyq múddeli taraptardyń qatysýymen osyndaı jumys formaty pikir almasýdyń jáne ónerkásipti sıfrlandyrý deńgeıin arttyrý jáne Indýstrııa 4.0 kóshý máseleleri boıynsha biryńǵaı ustanymdy ázirleýdiń tıimdi tásili bolyp tabylatynyn atap ótti, sondaı-aq osy baǵyttaǵy jumysty jalǵastyrýǵa kelisti.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar