Rýhanııat • 14 Tamyz, 2020

Vals koroli

61 ret kórsetildi

Onyń ánderi – ár qazaqtyń júrek tórinde máńgilik saltanat quratyn ǵumyrly áýender! Ol – án arqyly Otanyna qorǵan bolǵan qaıratker. Ol – óner arqyly ultty tutastyrǵysy kelgen biregeı tulǵa!

Shámshi ánderi – qazaqtyń ózin­deı qarapaıym, qazaqtyń ózindeı dana.

Bir ǵana «Meniń Qazaqstanym» marshy – jer betiniń ár túkpi­rin­degi júregi qazaq dep soqqan qa­ra­kóz qan­dastarymyzdy birik­tire­tin uly kúshke aınaldy! Ánniń Án­uranǵa aınalýy – sazger ba­qyty. Shám­shiniń shynaıy bolmysy óziniń ólmes muralarynda ǵasyrlardan ǵasyr­larǵa jalǵasyp ǵumyr keshe beredi.

Elimizdiń kók baıraǵy bıikke kóteril­gende qosa shyrqalatyn azat­tyq jyry osy áýen – «Meniń Qazaqstanym!».

Shámshi azamattyq lırıka men mahabbat sazyn qatar terbe­gen qaıtalanbas kompozıtor. Onyń t­amyrynda týlap aqqan uly saryndar sonaý kóne zamanalardan da, ózi ómir súrgen dáýirden de qol bulǵap jatady!

Shámshi ánderi – ózi ómir súrgen ádebı-mádenı ortanyń da tynys-tirshiliginen, qoǵam kelbetinen, se­zim sýretterinen udaıy syr sher­tip turatynymen qundy.

Úsh júzge tarta ánniń avtory retinde qazaq dalasyn ánge bólegen Shámshi quby­lysy jańa býynǵa árdaıym temirqazyq juldyzyndaı jaryǵyn shashyp keledi.

Sazger Shámshiniń nebir qy­zyq­taryn qatar keshken aqyn Tuman­baı Moldaǵalıev:

«Shámshiniń áni, Shámshiniń áni – ánimiz,

Birazdan keıin Shámshi bop ket­tik bárimiz» depti.

Qalaı dál taýyp aıtylǵan sátti sóz, sazgerge degen uly saǵynyshty oıatatyn tamasha tirkes!

Qaldaıaqovtyń qaıtalanbas óner týyndylarynyń qaıyr­ma­syna qosylyp otyryp-aq ózimizdiń de qaı ýaqytta Shámshige aınalyp ketkenimizdi ańǵarmaı qalǵan kezderimiz az emes.

Shámshi ánderi shattyqtan syń­ǵyr­laǵan daýystarda, qýa­nyshtan balbul janǵan kózderde, saǵynysqan ystyq qushaqtarda ómir súredi!

Shámshiniń ánderi – ómirdiń ózindeı ásem, adam janyndaı sulý!

Shámshiniń shedevrleri álbette qazaqtyń klassık aqyndarymen aı­ryqsha. Onyń ánderinen álbette Muqa­ǵalı Maqataevtyń, Qadyr Myrza Áliniń, Jume­ken Nájimedenovtiń, Tólegen Aı­ber­genovtiń, Tumanbaı Moldaǵalıevtiń qoltańbasyn kezdestirmeı ótpeısiz.

«Shámshige aıt,

Taǵy da bir tańdandyrsyn,

Jyndandyrsyn júrekti, jandandyrsyn!

Máńgi ólmes Mahabbatym aıta júrer,

Máńgilik ólmeıtuǵyn án qaldyrsyn!» deıdi Muqań, Mu­qaǵalı Maqataev. Osy bir aýyz óleńniń ózinen-aq bizdiń kóz al­dymyzǵa uly mahabbatty sıqyrly sazǵa bólegen Shámshi obrazy aı­qyn keledi.

Shámshi ánderinde dala ómiri men qala órkenıeti astasyp jatady. Qol ustasqan ǵashyq jas ta, qyrmandaǵy eńbekqor egde de Shámshi ánimen tynystaıdy.

Qazaq rýhanııatyn baıytqan úrkerdeı toptyń ishinde Shámshi fenomeni árqashan sonysymen daralanyp turady.

Shámshi – qazaqtyń keń-baıtaq saharasyn án-qushaǵyna basqan degdar.

Shámshini vals koroli degeni­mizben, onyń jigerli, qaıratty, rýhty ánderi únemi qazaqtyń asqaq minezin tanytar edi.

Júrekti shymyrlata boıdy bılegen ǵajaıyp týyndylar – qazaqtyń jany desek te artyq aıtqandyq emes.

Qazaq rýhanııatyndaǵy Shámshi shy­ra­ǵy árdaıym jarqyrap tura berse deımiz!

 

 

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Uqsas jańalyqtar