Qoǵam • 14 Tamyz, 2020

Indet juqtyrý qarqyny tejeldi

14 ret kórsetildi

Aptanyń ár dúısenbisinde Densaýlyq saqtaý mınıstrliginiń resmı ókili Baǵdat Qojahmetov koronavırýs ınfeksııa­sy­na qatysty jaǵdaıdy baıandaıtyn bolady. Bul týra­ly Ortalyq kommýnıkasııalar qyzmetindegi baspasóz más­lı­ha­tynda aıtyldy.

«Densaýlyq saqtaý mınıs­­tr­liginiń resmı ókili retin­de apta saıyn elimizdegi epı­de­mııa­lyq ahýal jóninde jáne halyqqa kórsetilip jatqan medı­sınalyq járdem týraly aqparat berip turamyz. Sony­men qatar indetke qarsy kúrestiń nátıjeleri ja­ıyn­­da baıandaımyz. Osy oraı­da Densaýlyq saqtaý mınıs­trli­gi­niń ózindik medıa orta­ly­ǵy iske qosylǵanyn eske salǵym keledi. Onyń negizgi mindeti – qoǵamdyq ortamen, aq­parat quraldarymen jáne memlekettik organdarmen ara­da­ǵy baılanysty nyǵaıtý. Mı­nıs­trliktiń atyna kelip túsetin aryz-shaǵymdarǵa jedel jaýap berýge ázirmiz. Baspasóz májilisinde qoıylatyn su­raq­tardan bólek, meniń jeke paraqshama jiberilgen suraq­tar­dy, áleýmettik jelide aıtylatyn saýaldardyń barlyǵyn qam­týǵa tyrysamyz», dedi Baǵdat Qojahmetov.

Buǵan qosa Densaýlyq saqtaý mınıstrliginiń resmı ókili koronavırýsty juqtyrý ósimi toqtaǵanyn atap ótti.

«Qazaqstanda koronavırýs­­­ty juqtyrý ósimi toqtady. El boıynsha jaǵdaı aıtarlyqtaı jaqsardy. Atqarýshy bılik ahýaldy qatań baqylaýda ustap otyr. Medısınalyq qaýym­dastyqtyń sanıtarlyq-epı­de­mııa­lyq qyzmeti ózine júk­tel­gen mindetin tolyq kólemde oryn­dap jatyr. Osy­laı­sha eli­miz eń kúrdeli kezeńdi artta qaldyrdy desek bolady. Biraq jetken jetistikke qýanyp, bo­sańsýǵa bolmaıdy. Endigi min­de­timiz – indetti juqtyrý men ólim-jitimdi toqtatý. Osy rette barsha qazaqstandyqtarǵa sanı­tarlyq erejelerdi oryn­daý­­­­ǵa shaqyramyn», dedi B.Qojahmetov.

Resmı statıstıkaǵa toq­tal­ǵan ol koronavırýsqa shal­dyqqan naýqastardyń arasynda 246 adamnyń densaýlyǵy nashar, 69 adamnyń densaýlyǵy óte nashar ekenin málimdedi. Bıyl 13 naýryzdan bas­tap Qazaqstanda koronavırýs ınfeksııasymen 99 442 adam aýyrdy. Jazylyp shyq­qan naýqastardyń sany – 72 523 nemese 72,9 paıyz. Stasıonarlarda 4 713 naýqas em qabyldaýda jáne 20 937 adam ambýlatorlyq jaǵdaıda emdelýde. Jalpy 70 naýqas ókpeni jasandy jeldetý apparatynda jatyr. Sońǵy bir táýlikte COVID-19 vırýsyn 741 adam juqtyrdy.

«1 tamyzdan bastap koronavırýs ınfeksııasy jáne oǵan uqsas belgileri bar pnevmonııa derekterin statıstıka qataryna qostyq. Osydan keıin elimiz indettiń taralý kórsetkishi bo­ıynsha álemdik reıtıngte bir satyǵa ǵana kóterildi. Buǵan deıin biz 27-orynda bolsaq, qazir 26-orynǵa turaqtadyq. Biraq bul kórsetkishke qarap jigerdi jasytýǵa bolmaıdy, biz úshin eń mańyzdysy – kúresti kúsheıtip, jaǵdaıdy odan ári jaqsartý. Qabyldanǵan sharalardyń nátıjesinde qazir qolymyzda jan-jaqty sara­lanǵan málimetter bar. Bul bizge bolashaqqa jospar quryp, aldyn ala daıyndalýda múmkindik beredi. Iаǵnı indettiń kúzde kútiletin jańa tolqynyna qarsy turý úshin materıaldy ári adamı resýrs­tar­dy tolyǵymen daıyndaýǵa jaǵ­daı jasaldy», dedi B.Qojahmetov.

Sondaı-aq ol elimizde dári-dár­mek tapshylyǵy máselesi qalaı sheshilip jatqanyn aıtty.

«Provızorlyq orta­lyq­tar­da jedel áreket etý úshin medqyzmetkerlerdi daıyndaýdan bólek, dári-dármektermen tolyqtyrý boıynsha aýqymdy jumys atqarylýda. KVI-ǵa uqsas belgileri bar pnevmonııa­men syrqattanǵan naýqastar úshin aldyn ala bir aılyq qorǵa ese­p­telingen apparattar satyp alyndy. О́ńirlerge 8,7 mlrd teńgeniń 91 túrli dári-dármegi jóneltildi. Bul ortasha eseppen 40 myń naýqasqa jetedi», dedi B.Qojahmetov.

Onyń sózine qaraǵanda, 15 tamyzdan bastap taǵy eki aıǵa jetetin qor ázirlenedi. Stasıonardaǵy 200 myń naý­qas­qa jetetin dári-dármektiń 50 túri ázirlendi. Sonymen qatar ambýlatorlyq jaǵdaıda em alatyn bir mıllıon naýqasty emdeý­ge arnalǵan dári-dár­mek­tiń 5 túrin satyp alý prosesi aıaqtalýda. Dál osyndaı aýqymdy sharalar alǵashqy ret qa­byldanyp otyr.

«Syrqattanyp, vırýs juq­ty­rý boıynsha kúdik­ten­se­ńiz, tirkelgen emhanaǵa baryp qaralsańyz bolady. Eger vırýs juq­tyrǵanyńyz anyqtalsa, bu­rynǵydaı dárihana jaǵalap júrmeı-aq qoıyńyzdar! Bar­lyq emhanalarda qajetti dári-dármek bar jáne aqysyz be­ri­le­di. Atap aıtqanda, parasetamol, ıbýprofen jáne basqa da qajetti preparattar elimizdiń barlyq emhanasyna jetkiziledi. Dári-dármekterdi jetkizý «SQ-Farmasııa» kompanııasy tarapynan júrgizilip jatyr», dedi ol.

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar