Oqıǵa • 14 Tamyz, 2020

«Jyr maıdany» – jastyqtyń jańa sáni

72 ret kórsetildi

Jastyq – árqashan jańashyldyqtyń jarshysy. Árbir kelgen jańa býyn – jas tolqynmen jańasha paıym, sony bir soqpaq, ózgeshe bir órnek te birge keledi. Árbir jańa urpaq óz sózin aıtýy tıis qoı.

Memleket múddesi de sol – ult úmiti bolar jas urpaq­ty qalyptastyrý, qorǵaý, qam­­qorlyq jasaý, baǵyt pen baǵ­dar berý, baqastyqtan shal­ǵaı shynaıy bilim básekesi, óner básekesine túsýine múm­kindik týdyrý. Ádette, jas­tarǵa arnalǵan, bolmasa jas­tar quryp otyrǵan baǵdar­lamalardy kórgende ázil men qyljaqtyń aýylynan uzaı qoımaǵanyna ishteı qynjylys bildirýshi edik. Ásirese, tele­arnalardyń jastar aýdıtorııasy úshin kóbirek bilim men ǵylymǵa, óner men mádenıetke negizdelgen baǵdarlamalar túsirgenin qalaıtynbyz.

Jaqynda jańa bir jobaǵa kózimiz tústi. Ulystyń qolyn­daǵy shamshyraǵy – hakim Abaı­dyń 175 jyldyǵy aıasynda «Abaı» esimimen atalǵan telearna ashyldy. Aqyn atyn­daǵy telearnada taza bir shy­ǵarmashylyqqa, óleńge, jas­tar arasynda ádebıetti nası­hattaýǵa baǵyttalǵan «Jyr maıdany» degen habardy kórip ishimiz jylyp qaldy. Jastar jyr oqyp jatyr. Aqyndar emes, jastar – bolashaq mem­le­kettik qyzmetkerler, muǵa­limder men dárigerler, qury­lysshylar men ınjenerler, tehnologtar men tártip saq­shylary degendeı. Birimen biri jarysyp, óner jarystyryp, bilim salystyryp, baryn salýda. Ál-Farabı men Abaı jylynda jastardyń jyr oqyp jatqany – qandaı jara­symdy! Osy oımen birden uıym­dastyrýshylaryn taýyp, habarlastyq.

– Jastar arasynda poezııa oqýdy sánge aınaldyrýdy maqsat ettik. Jastar úlkenderge emes, bir-birine elikteıdi. Biriniń bo­ıyndaǵy minez ben ádetti, óner men sózdi ózgeleri de ilip alyp ketedi. Osy zamannyń sózimen aıtqanda, trendke aınaldyrady. Maýsym aıynan bastalǵan jyr oqý jarysyna myńǵa jýyq ótinim túsip, sonyń ishinen 16-27 jas aralyǵyndaǵy 300 úmitkerdi tańdap aldyq. Bul – jastardyń óz jıyny. Baıqaýda ádil-qazy joq. Birin biri baǵalap, ózin-ózi synap úırensin dedik. Jastar arasynda jyr oqýdyń sánge aınalýy – erteńgi zııaly, ıntellıgensııalyq orta qalyptasýynyń alǵysharty ǵoı. Qyz-jigitterdiń bos sóz, bosqa júriske úıir bolmaı, óleń oqyǵany jaqsy emes pe?! Sondyqtan biz korporasııa basshylyǵynyń usynysymen osy jobany qolǵa aldyq. Joba jyl boıy ótedi. Sońyn­da poezııalyq gala-kesh bolady, – deıdi joba avtory jáne bas prodıýseri Muhtar Túmenbaı.

Ras, jastardy ortasy tár­­bıeleıdi. Ortasy durys bolǵany – ozady. Jastardyń boıyna jaqsylyq pen izgiliktiń dáni – óleń dáni qazir egilse, erteń búr jarady, ary qaraı jaıqalyp ósedi. Jobanyń taǵy bir kreatıvti tabysy – kom­­­pıýterlik grafıkamen Abaı beınesiniń qozǵalyp turýy. О́leńdi jatqa oqýdan ja­­­ńylǵan jasqa Abaı beınesi bas shaıqasa, jaqsy oqyǵanyn qup­tap, bas ızeıdi. Munyń ózi árbir qatysýshyǵa Abaıdyń aldynda turǵandaı, Abaı aldynda óleń oqyǵandaı áser syılamaı ma. Iá, ár urpaqqa Abaı qarap tur. Bul áser – «Abaıdyń sózi – arym deıtin» qasıetke ulaspaı ma?!.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar