Aımaqtar • 14 Tamyz, 2020

Aýladaǵy «Ashyq kitaphana»

13 ret kórsetildi

Elimizde jarııalanǵan karantın jaǵdaıyna baılanysty S.Toraıǵyrov atyndaǵy Pavlodar oblystyq kitaphanasy «Ashyq kitaphana» jobasyn qolǵa aldy. Budan bylaı oqyrman aýladaǵy «Ashyq kitaphanaǵa» kelip kitap oqýyna, tegin kitap alýyna bolady.

Oblystyq kitaphana basshysynyń orynbasary Barshagúl Baıjanovanyń aıtýynsha, jańa joba kitaphananyń ashylýyn asyǵa kútip júrgen oqyr­mandarǵa taptyrmas múmkindik berýde.

– Bizdiń turaqty oqyrmandarymyz kún saıyn bizge habarlasyp kitaphananyń ashylýyn taǵatsyzdana kútip júrgenderin aıtady. Sondyqtan biz oılana kele aýlaǵa «Ashyq kitap­hana» uıymdastyrýdy jón dep sheshtik. Joba barlyq sanıtarlyq talaptardy saqtaı otyra júzege asyrylýda, – deıdi ol.

«Ashyq kitaphanaǵa» kelýshiler betperde taǵýǵa, antıseptıkalyq qural­dardy paıdalanýǵa, araqashyqtyqty saqtaýǵa mindetti.

«Kelgen oqyrmandar tirkeýsiz-aq qalaǵan kitaptaryn alyp jaǵajaıda nemese basqa oryndarǵa baryp oqýǵa, tipti úılerine alyp ketýlerine bolady. Alǵan kitaptyń ornyna qolynda bar basqa kitapty almastyrýǵa ruqsat etilgen. Oqyrman tańdaǵan kitabyn bolashaqta ózine qajet dep tapsa kitaphanaǵa qaıtarmaýyna da bolady. Sondaı-aq úıińizden kitap ákelip sórege qoıýyńyzǵa eshkim qarsy emes. Sebebi siz oqyǵan sol kitap basqa da oqyrmandarǵa qyzyqty bolýy múmkin. Joba uıymdastyrylǵan alǵashqy kúni oqyrmandar 60-tan astam kitaptar men jýrnaldardy ózderimen birge alyp ketti. Áp sátte kitap sóreleri bosap qaldy. Oqyrmandar ásirese, Aqyn Alaqanuly, Ǵalymbek Jumatov jáne taǵy da basqa jergilikti qalam­gerlerdiń kitaptaryna erekshe qyzyǵý­shylyq tanytýda», deıdi jobany uıymdastyrýshylar.

Aıta keterligi, «Ashyq kitaphana» kún saıyn jańa kitaptarmen tolyqty­rylatyn bolady.

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Uqsas jańalyqtar