Aımaqtar • 14 Tamyz, 2020

Aqtóbede memlekettik qyzmetshilerge mýzeıde onlaın ekskýrsııa uıymdastyryldy

16 ret kórsetildi

Atalǵan erekshe ıdeıanyń bastamashysy Aqtóbe oblysynyń memlekettik qyzmet isteri departamenti boldy.

Onlaın týr qatysýshylarǵa oblystyq tarıhı-ólketaný mýzeıine aralaýǵa múmkindik berdi.

Jyl basynan memlekettik qyzmetshilerge arnalǵan birqatar mádenı is-sharalar eldegi qalyptasqan jaǵdaıǵa baılanysty keıinge shegerildi.

Alaıda uıymdastyrýshylar olardy jańa tehnologııalardyń kómegimen onlaın formatta ótký týraly sheshim qabyldady.

Esesine, onlaın mýzeıge tek memlekettik qyzmetshiler emes, olardyń otbasy músheleri, óńirdiń basqa da turǵyndary kóre alady.

Bul týraly óziniń Feısbýk paraqshasynda Departament basshysynyń orynbasary Rafhat Bısenov málimdedi.

Onlaın translıasııa Departamenttiń Instagram jáne Facebook áleýmettik jelilerindegi resmı akkaýnttarynda júrgizildi.

Ekskýrsııa barysynda mýzeı qyzmetkeri mýzeıdiń ashylý tarıhy týraly áńgimelep, eksponattarmen jáne jádigerlermen, Qazaqstan aýmaǵyn ejelgi dáýirden orta ǵasyrlarǵa deıingi kezeńde mekendegen taıpalardyń tarıhymen, ekonomıkasymen, dinı kózqarasymen, qolónerimen jáne arhıtektýrasymen tanystyrdy.

 «Bizge onlaın týr ótkizý týraly usynys túskende, bul bastamany qoldadyq. Pandemııa jaǵdaıynda kóptegen nysandar onlaın rejımge kóshti, sonyń ishinde bizdiń mýzeı de kelýshilerge esigin japty. Biraq búgin adamdar úılerinen shyqpaı, bizge kelýge jáne eksponattarmen tanysýǵa múmkindik aldy», dedi mýzeı basshysynyń m.a Arman Erjanov.

Onlaın týrǵa barlyǵy 100den astam azamattar qatysty.

Uıymdastyrýshylardyń aıtýynsha, mundaı is-sharalardy dástúrge aınaldyrý jáne jaqyn arada oblystaǵy basqa da mádenı jáne tarıhı nysandardy aralaý josparlanýda.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar