Aımaqtar • 14 Tamyz, 2020

Aýylda 90 oryndyq balabaqsha ashyldy

77 ret kórsetildi

Qazaly aýdanynyń Aqsýat aýylynda 90 oryndyq «Balaýsa» balabaqshasy paıdalanýǵa berildi. Jańa balabaqshanyń ashylý saltanatyna aýdan ákimi Murat Ergeshbaev qatysyp, aýyl turǵyndarynyń qýanyshyn bólisti.

– О́zderińiz bilesizder, qazir Qazaly aýdany qarqyndy qurylys alańyna aınalǵan. Sońǵy 2 jyldyń ózinde kóptegen nysandar salynyp, paıdalanýǵa berildi. Onyń eń irisi retinde Syrdarııa ózeninde «Álseıit» temir-beton kópirin, Áıteke bı kentindegi 6 kóp qabatty turǵyn úılerdiń qurylysyn aıtsaq bolady. Buǵan deıin Aqsýat aýylynyń ózinen áleýmettik mańyzy bar 2 birdeı nysannyń qurylysy bastalǵan bolatyn.Búgin mine sonyń biri 90 oryndyq «Balaýsa» balabaqshasy paıdalanýǵa berilýde, – degen Murat Nálhojauly balabaqsha meńgerýshisi Shynar Múberekovaǵa baǵaly syılyqty tabys etti.

Jańa ǵımarattyń ashylý saltanatynda aýyl turǵyndary qýanyshtaryn jasyra almady.

Aqsýat aýyly memleket qamqorlyǵynan shet qalyp jatqan joq. Máselen, bizdiń aýylda ótken jyly abattandyrý jumystary júrgizilip, ortalyq saıabaq salynǵan bolatyn. Mine, búgin de biz úshin erekshe kún bolyp tur. Buǵan deıin balabaqsha salý týraly másele kótergen bolatynbyz. Kóp ýaqyt ótpeı-aq aýyl ishinen zamanaýı úlgidegi záýlim ǵımarat salynyp, búldirshinderdiń jan-jaqty tárbıe alýyna múmkindik týyp otyr. Nemerelerimiz endi jańa balabaqshaǵa barady. Aýyl ortalyǵynan memlekettik baǵdarlama aıasynda 150 oryndyq klýbtyń qurylysy júrip jatyr. Amandyq bolsa ol da jaqyn kúnderi aıaqtalyp, eldiń ıgiligine paıdalanýǵa berilmekshi, – dedi Aqsýat aýyldyq ardagerler keńesiniń tóraǵasy Qýanysh Rzahanov.

Aıta keteıik, bul nysannyń salynýyna bıýdjetten 396,8 mln teńge qarjy bólindi. Eki qabatty sáýletti ǵımaratty «OrıonLTD» JShS sapaly etip salyp shyqty.

Balabaqsha 90 orynǵa arnalǵan. Onyń ishinde 2 top 15 baladan, 3 top 20 baladan ornalasady. Onyń aýmaǵynda negizgi ǵımaratpen qatar, 5 topqa arnaıy oıyn alańy bar.

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar