Aımaqtar • 11 Qyrkúıek, 2020

Aqsaıda asty atpen tasıdy

29 ret kórsetildi

Batys Qazaqstan oblysyndaǵy Aqsaı qalasynda «Ystyq qazan» onlaın-meıramhanasy tapsyrys berýshilerge ystyq taǵamdy atpen jetkizip beredi.

– Bizdiń «Ystyq qazan» meıramhanalar júıesi Qazaqstan naryǵynda paıda bolǵanyna 2 jyldaı ýaqyt ótti. Almaty men Aqtaý qala­la­rynda jumys istep jatyrmyz. Jaqynda Aq­tóbe qalasynda da bir meıramhanamyz ashyl­maq. Al Aqsaı qalasynda jumysymyzdy bas­taǵanymyzǵa jarty jyldaı ýaqyt boldy, – deıdi osy jobanyń jetekshisi Jandos Rsalıev.

Aqsaıda atpen jetkizilgen alǵashqy taǵam­nyń ıesi – 9 jasar Aldııar eken. Ata-anasy ulynyń týǵan kúnin dostarymen, týǵan-týys­qanymen atap ótý úshin súıikti taǵamyna kóp mólsherde tapsyrys bergen. Al ony erekshe jetkizý ıdeıasy – Jandostiki. «Ulttyq kıimmen, salt atpen aýlaǵa kirip kelgenimizde Aldııar qatty tańǵalyp, erekshe qýandy. Tipti sol mańdaǵy bala-shaǵa túgel jınaldy dese de bolady. Bul Aqsaı qalasyndaǵy erekshe oqıǵaǵa aınaldy. Áleýmettik jelide jarııalanǵan osy oqıǵany az kúnde 3 mıllıonnan asa adam qaraǵan eken», deıdi Jandos.

Aıta keteıik, onlaın-meıramhananyń erek­sheligi – as, qýyrdaq, palaý t.b. ulttyq taǵam­dy tapsyrys berýshige yp-ystyq kúıinde, arnaıy qorappen jetkizedi eken.

– Ystyq taǵamdy, asty arnaıy qorappen usyný – álemniń kóptegen elinde qoldanylyp júrgen zamanaýı servıs. Onyń utymdy jaǵy – tapsyrys berýshi kez kelgen jerde aýqat­tanyp kete beredi, basqa ydystyń keregi joq. Son­dyqtan bizdiń bas­tama – zamanaýı úrdis pen ult­tyq mázirdiń sátti sımbıozy boldy, – deıdi Jandos.

 

Batys Qazaqstan oblysy

 

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 15:54

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Uqsas jańalyqtar