Ekonomıka • 15 Qyrkúıek, 2020

Maılyq shyǵaratyn zaýyt iske qosyldy

30 ret kórsetildi

Shymkentte dymqyl maılyq shyǵaratyn zaýyt iske qosyldy. Jobany túrik ınvestory júzege asyrýda. Daıyn ónimdi ishki naryqpen qatar, EAEO jáne Ortalyq Azııa elderine eksporttaý josparlanýda.

Birinshi kezeńde jobaǵa shamamen 200 mln teńge ınvestısııa salynyp, 40 jumys orny ashyldy. Zaýyttyń jobalyq qýaty – jylyna 160 myń oramnan astam maılyq shyǵarý.

DALSAN JShS fabrıkasy­nyń ónimderi óndiristiń barlyq satylarynda sapany turaqty ba­qylaýdy qamtamasyz etip, mem­leketaralyq standarttyń talap­taryn saqtaı otyryp, qazir­gi zamanǵy eýropalyq jab­dyqta túrik tehnologııasy boıyn­sha ón­di­riledi. Bir rettik dym­qyl maı­lyqtar joǵary halyq­ara­lyq stan­darttarǵa sáıkes shy­ǵary­lady jáne bakterııaǵa qarsy áseri bar jumsaq matadan jasalady. О́nimder korporatıvti klıentter naryǵynda, dárihanalarda, klınıkalarda jáne dúkenderde satýǵa arnalǵan.

Ekinshi kezeńde túrik tarapy qosymsha 3-4 mln dollar ın­ves­tısııa quıyp, gıgıenalyq maq­sattaǵy buıymdar shyǵaratyn zaýyt salýdy josparlap otyr. Bul rette jańadan qurylatyn ju­mys ornynyń sanyn 100-ge de­ıin arttyrý kózdelgen. О́n­di­ris «Ońtústik» arnaýly eko­nomı­kalyq aımaǵynda orna­lasqan. Joba Qazaqstan Syrtqy ister mınıstrliginiń, Shymkent qala­sy ákimdiginiń, Qazaqstannyń Túr­kııadaǵy Elshiliginiń, KAZAKH INVEST UK AQ, «Ońtús­tik» AEA qoldaýymen júzege asyrylýda.

Búginde Qazaqstan men Túrkııa arasynda agroónerkásip kesheni jáne taý-ken metallýrgııa kesheni, jeńil jáne hımııalyq ónerkásip, kólik jáne ınfraqurylym, mashına jasaý, densaýlyq saqtaý, týrızm, turǵyn úı qurylysy jáne t.b. salalarda yntymaqtastyq ornyqqan. Qazir Qazaqstanda túrik kapıtalynyń qatysýymen 2,5 myńǵa jýyq kásiporyn jumys isteıdi.

«Qazaqstan táýelsizdik jyl­darynda ekonomıkanyń turaq­ty damýyn qamtamasyz etip, báse­­ke­lestik jaǵdaılary men tıimdi ekojúıesi bar qolaı­ly ın­­ve­s­tısııalyq ahýal qa­lyp­­tas­­tyrdy. Sonymen qatar Qazaq­­­stan men Túrkııa ara­syn­da tabys­­ty da jo­ǵary deń­geı­degi áriptes­tik qarym-qa­tanys qalyp­tasty. Byltyr elder arasyn­daǵy ózara saýdanyń 3,1 mlrd dol­­lar­ǵa ósýi eki el ara­syn­daǵy saýda-ınves­tı­­sııa­lyq yn­ty­­maqtas­tyqty da­my­­tý­dyń jo­ǵa­ry qarqynynyń dá­le­li. So­ny­­men qatar sońǵy úsh jyl­­da taýar aı­nalymy 6,9 mlrd dol­­lar­ǵa jet­ti», dedi Syrtqy ister mı­­­­nıstri­­­niń orynbasary Almas Aı­­­darov nysandy iske qosý barysynda.

Sondaı-aq Qazaqstannyń Túrkııa­daǵy Tótenshe jáne О́ki­letti Elshisi Abzal Sapar­bek­uly túrik ınvestorlarynyń joǵary qyzyǵýshylyǵyn atap ótti. «Jahandyq koronavırýs pandemııasynyń halyqaralyq ekonomıkalyq qarym-qatynastar men sheteldik ınvestorlardy tartýǵa barynsha kedergi kórset­kendigine qaramastan, qurylǵan ınvestısııalardy tartýdyń syrtqy, ortalyq jáne aımaqtyq úsh deńgeıli júıesi men ortaq kelisilgen áreketter arqasynda bul bastama búginde sátti júzege asyryldy. Bul – «Ońtústik» arnaıy ekonomıkalyq aımaǵynda ashylyp otyrǵan úshinshi túr­kııalyq ınvestısııalyq joba. Túr­kııalyq ınvestorlar buǵan deıin «Ońtústik» AEA kilem men aıaq kıim óndirisin qurǵan bolatyn», dedi A.Saparbekuly.

Shymkent qalasynyń ákimi Mu­rat Áıtenov óz kezeginde qala­da qo­laıly ınvestısııalyq ahýal jasaý jumystary týraly aıtyp berdi.

«Shymkentte ónerkásiptiń damýyna barynsha qolaıly jaǵdaı jasalýda. Qazir 2 ındýstrıaldy, 1 saýda-logıstıkalyq jáne bir arnaıy ekonomıkalyq aı­­maq jumys istep tur. Onda jal­­py quny 270 mlrd teńgeni quraı­­tyn 176 joba júzege asýda. 10 myń­­nan as­tam tu­raqty jumys or­ny ashyl­ǵan. Kúni keshe agroındýs­trıal­dy aı­maqtyń qurylysy bastaldy. Son­daı-aq «Juldyz» ındýstrıal­dy aımaǵyn ashý da josparlanyp otyr», dedi M.Áıtenov.

Qazir Almaty, Soltústik Qazaq­­­stan, Shyǵys Qazaqstan, Qa­ra­­­ǵan­­dy, Pavlodar, Túrkistan, Jam­­­byl obl­ys­tarynda, sondaı-aq Nur-Sultan, Shymkent, Al­maty qa­­la­larynda túrik kásip­ker­leri­men birlesken 20 joba iske asy­­ry­­lýda. Jobalar qurylys jáne ony paıdalaný, aýyl sharýa­shy­ly­ǵy daqyldaryn ósirý jáne qaıta óń­d­eý, geologııalyq barlaý, medı­sı­na, jab­dyqtar óndirisi, tamaq óner­­kásibi salasynda sátti iske asyrylýda.

«Biz ınvestorlarǵa kórsetile­tin qyzmetterdiń tizimi boıyn­sha 24/7 rejiminde kez kelgen máselede seriktester men ınves­tor­larǵa kómek kórsetýge, son­daı-aq ınvestısııalaýdan keıingi servıs­tik qoldaý quraldaryn usy­ný­ǵa daıynbyz», deıdi KAZAKH INVEST UK AQ basqar­ma tóraǵasy Baýyrjan Sartbaev.

Investor óz kezeginde kásip­orynnyń josparymen bólisti:

«Búgin biz arnaýly ekonomı­kalyq aımaq aýmaǵynda jobany iske qosamyz, aldaǵy ýaqytta óndiris qýatyn arttyryp, ótkizý naryqtaryn ıgerýge nıettimiz. Bizdiń ónimimiz básekege qabiletti bolatynyna jáne halyqtyń osy ónimge degen qajettiligin qam­­ta­masyz etetinine senimdimiz. Búgin­gi iske qosý jemisti birlesken ju­mys­tyń nátıjesi ǵana emes, biz úshin Qazaqstanǵa kelýimizdiń ózin­dik bastamasy bolyp tabylady», dep atap ótti «Dalsan» JShS qu­­ryl­taıshysy Halıl Dal.

 

ShYMKENT

 

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar