Oqıǵa • 15 Qyrkúıek, 2020

Úıeńki dińine ósken sańyraýqulaq

8 ret kórsetildi

Bir nárseniń aıaqastynan kúrt kóbeıip ketkenine teńeý izdegende «jańbyrdan keıingi qaptap ósken sańyraýqulaqtaı» dep jazyp jatatyn kezderimiz bar. Shyntýaıtyna kelgende durysy da osy ekeni anyq. О́ıtkeni jańbyr qatarynan eki-úsh kún úzbeı jaýǵannan keıin dymqyly mol dalalyq jáne jartylaı ormandy alqaptarda onyń qas pen kózdiń arasyna ósip shyǵa keletinine talaı márte kýá bolǵanbyz.

SÝRETTE: Úıeńki dińine ósken sańyraýqulaq

Al endi ósimdikter dúnıesiniń bir túri sanatyndaǵy osy sańy­raý­qulaqtyń kádimgi úıeńki-terektiń dińine óskenin kórip pe edińiz? Bul tabıǵattaǵy óte sırek kezde­setin qubylystardyń biri bolsa kerek. Biz taıaý­da osyndaı bir kóriniske kýá bolyp, tań-tamasha qalǵa­­nymyz bar. Oblystyq gazette qyzmet jasaıtyn áriptesimizdiń Shaǵan ózenine taıaý ornalasqan úıiniń aýlasynda kári úıeńki aǵashynyń bar ekenin baıqaǵanbyz. Onyń erekshe bir jýan butasy jıraftyń moıny sekildi kókke boı sozyp, uzaryp, sozylyp óskenin de ańǵarǵanbyz. Myna soraıǵan buta qaıda ke­tip barady, álde ózi bir avtonomııa qurǵysy kele me eken dep oǵashtaý kórinetin óskindi sózben bir túırep tasta­ǵanbyz.

Taıaýda osy úıeńki aǵashynyń dińinde paıda bolǵan úlkendi-kishili sańyraýqulaqtardy kórip oǵan taǵy da tańǵaldyq. Artyq-kemi joq túri de, túsi de jáne bylq-bylq etken jumsaqtyǵy da kádimgi sańyraýqulaq. Iisi de dál sondaı. – Sońǵy úsh jyldan beri osylaı ósip keledi. Bir jaqsysy oǵan úlken de, kishi de tıisken emes. Bári de tamashalap qyzyq kórip qarap ótedi. Tabıǵattyń biz bilmeıtin tosyn qubylysy kóp qoı. Bul da sonyń biri dep oılaımyn, – deıdi áriptesimiz oblystyq «Oral óńiri» gazeti redaktorynyń orynbasary Syrymbek Tuıaqov.

 

Temir QUSAIYN,

«Egemen Qazaqstan»

 

ORAL

 

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar