Qazaqstan • 17 Qyrkúıek, 2020

Nur-Sultanda mashına jasaýshylar forýmy ótýde

16 ret kórsetildi

Búgin Nur-Sultan qalasynda onlaın formatta Qazaqstan mashına jasaýshylarynyń VIII Forýmy (budan ári – Forým) jáne mashına jasaý jáne metall óńdeý jónindegi birinshi halyqaralyq mamandandyrylǵan "Kazakhstan Machinery Fair 2020" kórmesi ótýde, dep habarlaıdy Egemen.kz.

Forýmdy Qazaqstan Respýblıkasy Indýstrııa jáne ınfraqurylymdyq damý mınıstrligi men Qazaqstan mashına jasaýshylar odaǵy uıymdastyrdy.

Bıylǵy jyly Forýmnyń taqyryby - "Jańa shynaıylyq jaǵdaıynda mashına jasaýdy damytý". Forýmda mashına jasaý salasyn damytý perspektıvalary, sondaı-aq "Mashına jasaýdy damytý jónindegi 2019-2024 jyldarǵa arnalǵan Jol kartasyn" iske asyrý barysy talqylanýda.

Forýmnyń ashylýyna Premer-Mınıstrdiń birinshi orynbasary Roman Sklıar qatysyp, qatysýshylardy Úkimet atynan quttyqtady. Prezıdent Qasym-Jomart Toqaevtyń eldiń óńdeý salasyn, sonyń ishinde mashına jasaý salasyn damytý jóninde naqty mindetter qoıǵanyn aıtty. Indýstrııa jáne ınfraqurylymdyq damý mınıstri Beıbit Atamqulov tartymdy baıandama jasady. Forýmnyń ashylýyna Qazaqstan mashına jasaýshylar odaǵynyń tóraǵasy Meıram Pishenbaev jetekshilik jasady.

Forýmnyń birinshi paneldik pikirsaıysy sheńberinde mashına jasaý salasynyń básekege qabilettiligin arttyrý úshin bazalyq óndiristerdi qurý men damytýǵa, sondaı-aq qatty paıdaly qazbalar men kómirsýtek shıkizatyn jer qoınaýyn paıdalanýshylardyń satyp alýlarynda jergilikti qamtýdy retteý men damytýǵa erekshe nazar aýdaryldy.

Forýmnyń ekinshi paneldik pikirtalasy ónimniń sońǵy túrlerin shyǵarý kezinde paıdalanylatyn materıaldar men jıyntyqtaýyshtardyń qunyn tómendetý tetikterine, orta merzimdi perspektıvada jergilikti qamtýdy damytýǵa sondaı-aq mashına jasaý ónimderiniń eksportyn ilgeriletý máselelerine arnalyp otyr.

Sonymen qatar 6 seksııalyq otyrystar josparlanǵan: temir jol, munaı-gaz, taý-ken metallýrgııa, elektr tehnıkalyq, aýyl sharýashylyǵy mashınalaryn jasaý men avtomobıl jasaý, sondaı-aq jalpy mashına jasaý tehnologııalaryn damytý baǵyttary boıynsha.

Forým jumysynyń qorytyndysy boıynsha mashına jasaý salasyn odan ári damytý boıynsha naqty usynystar ázirlenedi. Osy usynystar qoıylǵan mindetterdi birlesip sheshý úshin Úkimetke jiberiledi.

10 jyldyq ındýstrııalandyrý kezeńinde mashına jasaý salasynda mynadaı nátıjelerge qol jetkizildi:

1) óndiris kólemi 4 ese ósti.

2) ınvestısııalar 2,5 ese ósip, 59 mlrd.teńgeni qurady.

3) eksport kólemi 3 esege jýyq ósip, 1,1 mlrd 2019 jyldyń qorytyndysy boıynsha 1 trln 472 mlrd teńge (NKI 124,1% - dy qurady).

2020 jyldyń 8 aıynda saladaǵy óndiris kólemi 16,3% - ǵa ósti.

Sońǵy jańalyqtar

Ult tarıhyndaǵy uly tulǵa

Pikir • Búgin, 07:18

Qazaqqa qandaı qasıetter qajet?

Abaı • Búgin, 07:15

Aýyl damymaı, memleket damymaıdy

Parlament • Búgin, 07:13

Huawei óndirisi kedergige ushyrady

Álem • Búgin, 07:09

Nıgerııa kóshelerindegi sherý

Álem • Búgin, 07:05

Jol apaty nege kóp?

Qoǵam • Búgin, 07:01

Qatygez bala qaıdan shyǵady?

Qoǵam • Búgin, 06:58

Qashaǵannyń gazyn tutynatyn kez keldi

Ekonomıka • Búgin, 06:56

Kollektorlyq qyzmet kerek pe?

Qarjy • Búgin, 06:53

Joshy ulysy

Tanym • Búgin, 06:43

Ádil tórelik, tıimdi sot júıesi qajet

Prezıdent • Búgin, 06:40

Oısylqara áýlıe kesheni qorǵaýǵa alyndy

Rýhanııat • 24 Qazan, 2020

Atyraýda 9 balany ıt talady

Aımaqtar • 24 Qazan, 2020

Nur-Sultanda jańa saıabaq ashyldy

Qoǵam • 24 Qazan, 2020

Atyraýda 8 adamnan koronavırýs anyqtaldy

Aımaqtar • 24 Qazan, 2020

Taraz qalasynda gaz qubyry jaryldy

Aımaqtar • 23 Qazan, 2020

Uqsas jańalyqtar