Qazaqstan • 17 Qyrkúıek, 2020

Mashına jasaý salasynyń jańa jaǵdaıda damýy

23 ret kórsetildi

Qazaqstan mashına jasaýshylarynyń VIII forýmy jáne "Kazakhstan Machinery Fair 2020" mashına jasaý jáne metall óńdeý jónindegi I halyqaralyq mamandandyrylǵan kórme onlaın formatta jumysyn bastady, dep habarlaıdy Egemen.kz.

Is-shara uıymdastyrýshylary – QR Indýstrııa jáne ınfraqurylymdyq damý mınıstrligi jáne Qazaqstan mashına jasaýshylar odaǵy.

Forýmnyń birinshi paneldik talqylaýyna QR Premer-Mınıstriniń orynbasary Roman Sklıar, QR Indýstrııa jáne ınfraqurylymdyq damý mınıstri Beıbit Atamqulov, sondaı-aq mashına jasaý kásiporyndarynyń, bilim jáne ǵylym uıymdarynyń, ulttyq kompanııalar men damý ınstıtýttarynyń jetekshileri men ókilderi qatysty.

Beıbit Atamqulov "2019-2025 jyldarǵa arnalǵan mashına jasaýdy damytý jónindegi jol kartasyn" iske asyrý týraly baıandamasynda 2019 jyldyń qorytyndysynda negizgi kapıtalǵa salynǵan ınvestısııa kólemi 1 trln 472 mlrd teńgeni quraǵanyn atap kórsetti. Bıylǵy 8 aıda óndiris kólemi 16,3% artyp, 341,2 mlrd teńge somaǵa 45 myń avtomobıl óndirildi. Memleket pen bıznestiń birlesken jumysy nátıjisinde 367 mlrd teńgege 128 joba tabysty iske asyrylyp, 16 myń jumys orny ashyldy.    

Búgingi tańda Qazaqstanda árbir ekinshi satyp alynǵan avtomobıl - otandyq ónim. Bul - birlesken jumystyń jaqsy kórsetkishi.

Qazaqstandyq avtoóndiris ónimderi eksportqa shyǵaryla bastady. Jyl basynan beri Reseı, Belarýs jáne О́zbekstanǵa 4700 kólik eksporttaldy.

Forýmnyń ekinshi paneldik talqylaýy materıaldar men qurastyrýshylar qunyn tómendetý tetikterine arnaldy.

О́tkizilgen 6 seksııa aıasynda temir jol, munaı-gaz, taý-ken metallýrgııa, elektrotehnıka, aýyl sharýashylyǵy mashınalaryn jáne avtomobıl jasaý salalaryn damytý máseleleri talqylandy.  

Forým qorytyndysynda mashına jasaý salasyn ári qaraı damytý jóninde naqty usynystar ázirlenip, alǵa qoıylǵan mindetterdi birlesip sheshý úshin el Úkimetine jiberiledi.  

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar