Elorda • 18 Qyrkúıek, 2020

Jyl sońyna deıin memlekettik qyzmetter 100% avtomattandyrylady - ákimdik

25 ret kórsetildi

Sybaılas jemqorlyqqa qarsy is-qımyl, aldyn-alý sharalary, adamı faktordy joıý maqsatynda memlekettik qyzmetterdi avtomattandyrý, mekteptik tamaqtanýdy memlekettik satyp alýdy elektrondy formatqa kóshirý jáne basqa da birqatar máseleler Altaı Kólginovtiń basshylyǵymen Nur-Sultan ákimdiginde ótken Sybaılas jemqorlyqqa qarsy is-qımyl jónindegi vedomstvoaralyq komıssııa otyrysynda talqylandy, dep habarlaıdy Egemen.kz ákimdiktiń baspasóz qyzmetine silteme jasap.

"Sybaılas jemqorlyq táýekelderin joıý boıynsha kóptegen júıeli jumystar júrgizilýde. Sıfrlandyrýǵa erekshe nazar aýdarylýda, óıtkeni bul prosess adamı faktordy joıady. Ákimdik 160 memlekettik qyzmet kórsetedi, onyń 148-i elektrondy formatqa kóshirildi. Jyl sońyna deıin biz barlyq memlekettik qyzmetterdi avtomattandyramyz.

Mysaly, ata-analar men bıznes ókilderinen túsken shaǵymdardyń kópshiligi mektep oqýshylarynyń tamaqtanýyna memlekettik satyp alýda ashyqtyqtyń joqtyǵyna qatysty boldy - «Astana adaldyq alańy» Sybaılas jemqorlyqqa qarsy is-qımyl agenttigimen, Bilim jáne ǵylym mınıstrligimen birlesip bul máseleni zerttedi. Prosess avtomattandyrylyp, elektrondy formatqa kóshirildi. Qoǵamdyq kólik jumysy da jańartyldy, tólem tek qolma-qol aqshasyz júzege asyrylady, avtobýstar 100% elektrondyq tólem júıelerimen jabdyqtalǵan. Nátıjesinde bıyl 6 mıllıard teńgege deıin qarajattyń ashyqtyǵyn qamtamasyz etýge múmkindik berdi. Injenerlik jelilerdi jáne búkil qalany sıfrlandyrý boıynsha da kóptegen jumystar júrgizilýde", dedi elorda ákimi Altaı Kólginov.

Qala ákimi Altaı Kólginov kez kelgen zań buzýshylyqqa múldem tózbeýshilik qaǵıdatyn ustanyp, ásirese qurylys, otyn-energetıka kesheni men kommýnaldyq qyzmetter, qalalyq qorshaǵan orta men sapany baqylaý salalarynda kez-kelgen sybaılas jemqorlyq táýekelderin boldyrmaýdy tapsyrdy. Osy vedomstvolarmen kórsetiletin memlekettik qyzmetterdi elektrondy formatqa kóshirýge tapsyrma berdi.

Qurylys basqarmasynyń basshysy Samat Sársenǵalıev alaıaqtardyń basqarma qyzmetkerleri atynan qurylys uıymdaryna aqyly kómek usyný faktileri bolǵanyn atap ótti. Atalǵan faktiler boıynsha Polısııa departamentine aryz joldandy, merdigerler ókilderimen osylardyń aldyn alý úshin áńgimelesý júrgizildi. Sybaılas jemqorlyqqa qarsy vedomstvoaralyq komıssııanyń otyrysyna Qazaqstan Respýblıkasy Sybaılas jemqorlyqqa qarsy is-qımyl agenttigi departamentiniń, Polısııa departamentiniń, qalalyq prokýratýranyń, Qazaqstan Respýblıkasy Memlekettik qyzmet isteri agenttigi departamentiniń basshylary, ákimdik basqarmalarynyń basshylary jáne t.b qatysty.

Memleket basshysynyń tapsyrmalaryn oryndaý aıasynda ákimdik memleket pen kvazımemlekettik sektordyń óndiristik emes shyǵyndaryn azaıtý boıynsha jumystar júrgizdi. Ákimdiktiń jergilikti bıýdjetin ońtaılandyrý 35 mlrd teńgeni qurady. Únemdelgen qarajat áleýmettik salaǵa baǵyttalǵan. Ekonomıkanyń jáne ınfraqurylymnyń naqty sektoryn qoldaýǵa 16 mıllıardtan astam teńge bólindi: bul qarjy apatty úılerdi buzýǵa, joldar, aýlalar, ınjenerlik-kommýnıkasııalyq ınfraqurylym salýǵa arnalǵan. Bilim berý júıesin damytýǵa, densaýlyq saqtaý men áleýmettik salaǵa 7 mıllıard teńge bólindi: bul qarjy balabaqshalardaǵy qosymsha oryndar, medısınalyq jabdyqtar satyp alý, az qamtylǵan azamattar sanatyna áleýmettik kómek kólemin ulǵaıtýǵa baǵyttalǵan. ShOB-ty qoldaýǵa - 5 mıllıardtan astam qarjy bólindi. Bul áleýmettik mańyzy bar azyq-túlik baǵasyn turaqtandyrý úshin nesıe boıynsha paıyzdyq mólsherlemeni sýbsıdııalaýǵa arnalǵan.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar