Aımaqtar • 23 Qyrkúıek, 2020

Kókshetaýlyq balyqshy Andronov mádenıetine jatatyn keramıkalyq buıymdar taýyp alǵan

11 ret kórsetildi

Kókshetaýlyq áýesqoı balyqshy Kamıl Ýsmanovtyń qarmaǵyna mol olja ilikti. Balyq emes, baǵaly zat. Sonaý qola dáýirindegi Andronov mádenıetine jatatyn keramıkalyq ydystardyń synyqtary, dep habarlaıdy Egemen.kz

О́tken demalys kúnderi áýesqoı balyqshy oblys ortalyǵynyń irgesindegi Shaǵalaly sý  qoımasyna balyq aýlaýǵa barypty. Sý qoımasynyń jaǵasynda otyratyn oryn izdep júrgen kezinde sý shaıǵan  topyraq  opyrylyp ketse kerek. Yrsıǵan súıekter shyǵypty. Bilmekke qumarlyq boıyn bılegen balyqshy qarmaǵyn tastaı salyp, álgi jerdi qazyp kórse, áýeli tórt tis tapqan. О́zi kórgen adamnyń nemese janýardyń tisterindeı emes, iri tister. Sý qoımasynyń ózenge quıatyn ańǵarynda bıik jar bar. Indete izdegen balyqshy ol jerden de keramıkalyq ydystardyń synyqtary men usaq monshaq tapqan.

Bir jaqsysy, qundy oljalardy tarıhı-ólketaný mýzeıine ákelip tapsyrypty. Mýzeı mamandary balyqshynyń qarmaǵyna ilikken kóne jádigerlerdi saraptap kórip, qol dáýirine tıesili dep paıymdaýda.

–Keramıkalyq ydystardyń synyqtarynda geometrııalyq oıýlar bar. Osy belgilerine qarap, biz bul buıymdardy sonaý Alakól mádenıetine tán dep otyrmyz. Qolymyzda bar arheologııalyq eskertkishterdiń sıpattamasyn qarap shyqtyq. Olardyń ishinde mundaı jerleý rásimi tirkelmegen eken. Bizdiń oıymyzsha, topyraqpen jerleý rásimine jatady. О́ıtkeni, múrde ústi kómilmegen. Qasynda qola dáýirge tán turaq bolǵan. Shamasy jaı adam emes, baqsy nemese taıpa kósemi bolýy ábden múmkin. Bıik jardyń ústine etektegi elin rýhymen qorǵashtap júrsin dep jerlegen tárizdi, deıdi mýzeı dırektory Qýanysh Shaqshashov.

Áýesqoı balyqshynyń qarmaǵyna ilikken qazyna tóńireginde zertteý jumystary júrgiziletin boldy. Bálkim kóne dáýirden esetin kómeski lep ertedeginiń elesin aıqyndaı túser.

 

Kókshetaý qalasy

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar