Qoǵam • 25 Qyrkúıek, 2020

Qus tumaýy anyqtalǵan aýmaqtarda karantın engizildi

22 ret kórsetildi

О́ńirdegi Tereńkól aýdanynyń Trofımovka aýylyn­da úı qustarynan qus tumaýy anyqtaldy. Aýdan ákimi­niń orynbasary Nurbolat Maqashevtyń aıtýynsha, qus tumaýynan osy apta ishinde 158 úı qusy ólgen. Sondyq­tan jergilikti aýyl ákimi Qaıyrbek Absalıamov pen aýdan­nyń bas memlekettik veterınarlyq-sanıtarlyq ıns­pek­torynyń usynysy negizinde karantındik shara jasaldy.

– Qazir respýblıkalyq epıdemııaǵa qarsy top­tyń mamandary aýyldaǵy 1800 bas qustyń bárin joıýda. Bar­lyq qajetti karantındik shara­lar qabyldandy. Aýyl tur­ǵyn­daryna olardyń qajet­tiligi, qus tumaýyna shaldyǵý qaýpi túsindirildi, – deıdi N.Maqashev.

Sońǵy 3 kúnde aýylda qus ólimi tirkelmegen. Aýdan aýyl­daryndaǵy 20 myńǵa jýyq úı qustaryna vaksına salyndy. Al birneshe túrli qus ósi­retin Jelezın aýdanynyń Aq­taý aýyldyq aýmaǵynda qus tumaýyna tekserilgen nátı­jelerge oraı karantındik sharalar engizilse, Jańajuldyz aýy­lynda aldyn ala saqtyq sharalary júrgizilýde.

– Karantındik sharalarǵa turǵyndar túsinistikpen qaraı­dy, – deıdi Aqtaý aýyldyq aýma­ǵynyń ákimi Janar Oryn­bekova. – Aýyldaǵy 103 aýlada 1622 bas taýyq, qaz, úırek, kúrketaýyq bar. Qazir jyljymaly órteý quraly ornatyldy. О́lgen qustar joıyl­dy. Aýyldy aınaldyryp jer­di jyrtyp, beketter men tos­qaýyldar qoıyldy.

Sonymen birge Ertis aýda­nynyń Aǵashoryn aýylynda da qazir aldyn ala tekserý sharalary júrgizilýde. Oblystyq densaýlyq saqtaý basqarmasy termııalyq óń­deý­den ótpe­gen qus eti ónim­de­ri men jumyrt­qalaryn tu­­tyný arqyly qus tu­maýy juǵatynyn, jabaıy nemese aýrý qustarǵa qol tıgizýge, óli ne­mese aýrý qu­s­tardy shıkideı, tolyq pisirilmegen et pen ju­myrt­qany jeýge bolmaıtynyn habarlady. Son­dyqtan aýyl­darǵa barlyq qus ónimderin shy­ǵarýǵa tyıym­ salyndy. Ań aýlaýǵa shyq­­­paýǵa jáne aýlan­ǵan ań etin jemeýge keńes be­ri­lý­de. Memleket joıylǵan qus ıe­lerine naryqtaǵy baǵa bo­ıyn­sha ótemin tóleıdi. О́ńir­­ge qus tumaýyna qarsy vaksı­nanyń 456 myń dozasy jetki­zilgen.

 

Pavlodar oblysy

 

Sońǵy jańalyqtar

Joshy ulysy

Tanym • Búgin, 06:43

Oısylqara áýlıe kesheni qorǵaýǵa alyndy

Rýhanııat • 24 Qazan, 2020

Atyraýda 9 balany ıt talady

Aımaqtar • 24 Qazan, 2020

Nur-Sultanda jańa saıabaq ashyldy

Qoǵam • 24 Qazan, 2020

Atyraýda 8 adamnan koronavırýs anyqtaldy

Aımaqtar • 24 Qazan, 2020

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Uqsas jańalyqtar