Aımaqtar • 29 Qyrkúıek, 2020

Qarttarǵa qamqorlyq qajet

59 ret kórsetildi

Jaman indettiń zardaby Qarttar kúnin de qalypty jaǵdaıda ótkizýge kedergi keltirip otyr. Jyl saıyn «Qarttar kúniniń» qarsańynda Soltústik Qazaqstan oblysynyń mekemeleri men kásiporyndarynyń qyzmetkerleri senbilikke shyǵyp, onyń aqshasyn oblystyq, qalalyq, aýdandyq ardagerler uıymda­rynyń esepshottaryna aýdaratyn edi. Osynaý birkúndik tabystyń ózi qarttardy quttyqtap, estelik syılyqtar, azdy-kópti aqsha men zeınetaqysyna ala bermeıtin paketter toly tátti-dámdilerdi taratyp, dastarqan jaıyp, jaqsy merekeleýge, qurmet kórsetýge múmkindik beretin.

Máselen, byltyr «Arda­gerlerimizge júrek jylýy­myzdy bildireıik» degen sen­bilikten basqa da aksııa ót­kizilip, oblysta qarttar úshin bir qýanyshty kúnder bolyp edi. Onyń sheńberinde 42 qarttyń úıi jóndeldi, 16 568 az qamtylǵan, jasy kel­­gen adamdar azyq-tú­lik paket­terin aldy. So­ny­men birge 47 222 qartqa túr­li ma­terıal­dyq kómek kór­setildi. 11 684 adam tegin dári-dármekter aldy. Al 203 zeınetker sa­natorıı-ký­rorttyq emdeý orynda­ry­na jiberildi. Sonyń ishinde qarttardy ma­te­rıal­­dyq ja­ǵynan qol­daýda Pe­tropavl qalasy men Ta­ıyn­sha jáne Qyzyljar aýdandary kózge túsken.

О́kinishke qaraı, bıylǵy jaman indettiń kesirinen mundaı kómekter jasalmaıdy, óıtkeni senbilik ótpeıdi, qaıyrymdylyq aksııalary júrgizilmeıdi. Biraq jú­regi dúrsildep, osy kúndi asy­ǵa tosyp, alańdap oty­ra­tyn qamkóńildi qarttardy qut­tyq­tamaýǵa bola ma? 

Oblystyq ardagerler keńesiniń tóraǵasy Eskendir Eleýsizov aǵamyzǵa jolyǵyp, bı­ylǵy qarttar merekesiniń qalaı atalyp óte­tinin sura­ǵanymyzda birshama jańa­lyqqa qanyqtyq.

«Biz jergilikti bı­likke, me­kemeler men kásiporyndar basshylaryna hat jazyp, «Qarttar kúnin» atap ótý­ge shaqyryp otyr­myz. Arda­gerler aspannan túsken joq, bá­ri de osy eldiń, osy jerdiń týmalary. О́mir baqı osy jerdiń órkendeýine qyzmet etti, halyq sa­nyn arttyryp, sanaly ur­paq ósir­di. Erteńgi kúni bá­rińiz de qart bolasyzdar, sonda búgingi jasaǵan qur­met­terińiz ózde­rińizdiń aldy­ńyzdan shyǵady dep jatyrmyz. Aqshalaı kómek bere almasańyzdar tym bol­masa kóńil bildirip, me­dısınalyq qyz­metpen, jyly sózben quttyqtańyzdar degen ti­lekter aıttyq. Obaly ne­shik, bári de tú­sinistikpen qarap, óz aýmaqtaryndaǵy qart­­taryn quttyqtaýǵa ýáde berip jatyr», dedi Eskendir aǵamyz.

Jýyrda ardagerler uıy­mynyń bastamasy boıynsha oblys ákiminiń orynbasary Ǵanı Nyǵymetovtiń júr­gizýimen barlyq aýdan ákimderiniń orynbasar­lary, ardagerler uıym­darynyń tóraǵalary qatys­qan selektorlyq keńes ót­ti. Jıynda bar­lyq aýdanda Qarttar kúnine ar­nalǵan aılyqty tıimdi ót­kizý máselesi qaraldy. So­nyń ishinde medısına qyzmetkerleri qarttardyń úılerine baryp, olardyń den­saýlyqtaryn tekserip shy­ǵýy tapsyrylyp, qam­­kóńildi jandardy rıza etý suraldy. Osy hat­tamalyq tapsyrma ob­lys­tyq den­saýlyq saq­taý bas­qarma­syna berildi. So­­nymen birge jastar uıym­­darynyń bar­lyq satylaryna da óz aımaq­taryndaǵy qart­tardy quttyqtap shyǵýǵa usynys jasalady.

Aýyl sharýashylyǵy bas­qarmasy men jergilikti ákimdikterge aýyldaǵy maly bar qarttardyń úıine bir tirkeme shóp tú­sirý, qystyq otynyn jetkizip berý, 1-2 qap jem, birer qap un berýdi uıymdastyrý tapsyrylady. Sonymen birge aýdan orta­lyqtarynda aýyl sha­rýashylyǵy ónimderin satatyn jármeńkeler qarttar kúnine arnalyp, taǵamdar sál jeńildetilgen baǵamen satylsa da qarttarǵa ja­salǵan qurmet bolmaq.

Bıyl fermer, sharýa­lardyń jaǵdaıy jaqsy. Astyq tym shyǵymdy bol­maǵanymen sapasy joǵary, baǵasy úlken. Sondyqtan qart­taryn qadirleýdi, olar­dyń kóńilin aýlaýdy esh­kimniń umytpaǵany jón. О́z aýyldarynan shyqqan qurmetti aqsaqalǵa 10-15 kúndik demalys ornyna joldama aparyp berse, ondaı sharýaǵa qarttar ábden razy bolyp qalar edi. Qarttar kúnin ataýdaǵy negizgi maq­sat – qart adamdardyń kóńilin kóterý.

Osyndaıda Prezıdent Qasym-Jomart Toqaevtyń jaman indet áleýmettik jáne ekonomıkalyq qıyndyqtar týdyryp jat­qan kezde hal­qymyz tutastyq pen bir­likti nyǵaıta túsýi kerektigin aıt­qan sózderi oı­ǵa oralady. Halyqtyń barlyq sanaty bir-birin qoldap, birlik pen tutastyq ny­ǵaıa tússe – qıyndyqty eńserýde ońaı bolary sózsiz.

 

Soltústik Qazaqstan oblysy

 

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar