Medısına • 30 Qyrkúıek, 2020

Syrqatpen kúreste sergek

7 ret kórsetildi

Batys Qazaqstan oblysy aýmaǵyndaǵy dárihanalarda bir aıǵa jetetin dári-dármek qory bar.

 

Dárihana sórelerinde 5 112 qorap vırýsqa qarsy preparattar, 50 274 qorap antıbıotıkter, 16 416 orama ys­tyq túsiretin dáriler jáne 142 425 dana betperde saty­lymda tur. Al kóterme saý­da qoımalarynda aldaǵy úsh aıǵa je­terlik dárýmen bar. Sondyqtan ko­ro­navırýstyń ekinshi tolqyny kele me dep ýaıym­dap otyrǵan tur­ǵyn­dardyń alańdaýyna esh negiz joq.

Buǵan qosa «Medservıs plıýs» me­kemesi jaqynda 3 myń dana elek­trondy termometr quralyn aldyr­ǵaly otyr. Al medısına salasynda kóp jylǵy tájirıbesi bar «Talap» AQ qazan aıynyń basynda tabletka tú­rindegi asetılsalısıl qyshqylyn jetkizbek.

Oral qalasy men aýdan­dar­daǵy dárihanalardyń dári-dármekpen qam­tylý jaıy www.stopcovid.kz saıtynda onlaın rejimde qa­­da­ǵalanyp otyr. Saıt­tyń mobıldik qosymshasy ár adamǵa qoljetimdi.

– Turaqtandyrý qory boıynsha qajetti dári-dármektiń tórt aı­ǵa jetetin qory jasaqtalady. Qazir 25 túrli dárige suranys tústi. Bul qor «Aqjaıyq» áleýmettik-kásip­ker­lik korporasııasy arqyly jasalady. Qajetti dári-dármekti satyp alý úshin kelisimsharttar ja­sal­ǵan. Qazan aıynyń ortasyna qaraı to­lyq jetkiziledi, – deıdi bas­qar­ma­nyń baspasóz hatshysy Sáýle Zaǵıdýllına.

Mine, osyndaı sharalardyń ná­tıjesinde óńirde qazir zárý dármek joq. Sonyń ishinde koro­navırýsqa qar­sy kúreste qajet bolatyn emdik quraldardyń eki aılyq qory jasaq­talǵan. О́tken maýsym-shilde aılarynda óńirdegi medısına mekemeleri jalpy kólemi 488 mln teńgeniń medı­sınalyq preparattary men qural-jabdyǵyna tapsyrys bergen edi. Búginde 338,7 mln teńgeniń tapsyrysy oryndalǵan.

Qazirgi tańda oblysta ókpeni ja­sandy tynystandyratyn 138 apparat, 476 ottegi konsentratory, 10 kompıý­terlik tomograf, 47 rentgen apparaty, 675 pýlsoksımetr, 198 ot­tegi tolyqtyrǵysh oryn, 172 dana Bob­rov apparaty bar. Buǵan qosa jer­gilikti bıýdjet pen transfertter esebinen taǵy da 15 dana tynystandyrý ap­paraty, 7 rentgen jabdyǵy satyp alynbaq. Úsh ottegi stansasyn alýǵa 113 mln teńge qarastyrylǵan.

– Buǵan qosa Indýstrııa jáne ın­fraqurylymdyq damý mınıstr­ligi arqyly ókpeni jasandy tynystandyratyn apparattyń taǵy 35 danasy, aýdan­dyq aýrýhanalar úshin 9 dana jyljymaly medısınalyq keshen kelmek. Oral qalasynda quny 7,2 mlrd teńgelik modýldik aýrýhana qury­lysy bas­taldy. Qazirdiń ózinde 4,2 mlrd teńge bólingen, – deıdi basqar­manyń baspasóz hatshysy.

Oblysta osy kúnderi 63 jedel jár­dem kóligi táýligine 700 márte tapsyrys qabyldap, naýqastarǵa kómek kórsetýde. «BRK-Lızıng» kom­panııasy arqyly qyrkúıek-qazan aılarynda óńirge taǵy 37 reanomobıl ákelinedi. Qazir emhanalar janynan 123 mo­bıldi brıgada qu­rylǵan, olar COVID-19 dertiniń belgileri bar naýqastarǵa, buryn osy indetpen aýyrǵan adamdarǵa jáne sozylmaly derti bar jandarǵa, júkti áıelder men balalarǵa jedel kómek kórsetýge ázir otyr. Bul toptarda 144 dáriger men medbıke bar, qosymsha 38 maman kerek. Me­dısına mekemeleri qorǵanysh jabdyqtarymen qamtylǵan.

Kadr tapshylyǵy demekshi, bıyl elimizdiń Densaýlyq saqtaý mı­nıstr­ligi 118 dárigerdi óńirge joldaǵan bolatyn. Qazir 106 jas ma­man kelip, qyzmetke ornalasyp úl­gerdi. Onyń 70-i – Aqtó­beden, 19-y – Almatydan, 10-y Nur-Sultan qa­lasynan kelgen. S.J.Asfendııarov atyndaǵy Qazaq ulttyq medısına ýnı­versıtetinen kelgen 7 maman Batys Qazaqstan oblysy ákiminiń grantymen oqyǵan edi. Olar qazir Oral qalasyndaǵy stasıonarlarǵa qyzmetke ornalasty.

Qyrkúıek aıynyń 28-indegi má­limet boıynsha densaýlyq saq­taý salasynyń 326 qyzmetkeri áleý­m­ettik tólemder men qosymsha aqy alý úshin ótinish bildirgen eken, sonyń 229-ynyń qujaty qabyl­danǵan. Áleýmettik saqtan­dyrý jónindegi memlekettik qor­dyń málimetine qaraǵanda, 210 qyz­metkerge tólem beri­letin bo­­lyp­­ty. 130 adam ony alyp úl­gergen.

Jalpy, naýryz ben tamyz aı­lary aralyǵynda osyndaı tólem­der úshin oblysta 2 630,6 mln teńge jum­salǵan. Ol qarjyny alǵan­dar­dyń ishinde 1 280 dáriger,
4 918 orta, 1 691 kishi medısınalyq qyz­metkerler, 894 jedel járdem júr­gizýshisi bar.

Osy kezge deıin oblysta covid-19 dertine shaldyqqan
6 855 adam tir­kelse, sonyń 6 746-sy­ jazylyp shyq­qan. О́kinishke qa­raı, 106 adam koro­navırýstan, 206 naýqas pnevmonııadan qaıtys boldy.

Sońǵy málimetterge qara­ǵan­da, qazir oblysta 61 adam pnev­mo­nııamen tirkelgen, onyń 28-i – stasıonarda, al 33 naýqas ambý­latorııalyq jaǵdaıda emdelýde.

 

Batys Qazaqstan oblysy

 

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar