Saıasat • 30 Qyrkúıek, 2020

Importtaýshylarǵa – 110 mln teńge aıyppul

5 ret kórsetildi

Jyl basynan beri elimizge shetelden keletin júkterdi tekserý kezinde ósimdikter karantınine qatysty 2,7 myńnan astam zań buzý faktisi anyqtaldy. Pandemııaǵa baılanysty bıyl karantın talaptary kúsheıtilgenin atap ótken lázim.

Aýyl sharýashylyǵy mı­nıs­trliginiń habarlaýynsha, kóp jaǵdaıda ósimdik ónimderin ımporttaýshylar taýardy mindetti fıtosanıtarlyq sertıfıkatsyz alyp kelýge tyrysady. Sondaı-aq jalǵan nemese sáıkes kelmeıtin sertıfıkatpen, tyıym salynǵan jáne zııankesteri bar ónimderdi elge kirgizbek bolǵan áreketterdiń joly kesildi.

– Osy faktiler boıynsha 8 aı­dyń qorytyndysyna sáıkes 2 myń 225 jeke jáne zań­dy tulǵaǵa 110 mln 879 myń teńge aıyppul salyndy. 720 jaǵ­daıda júk jóneltýshi elge keri qaıtaryldy, – dep habarla­dy mınıstrliktiń baspasóz qyzmeti. Eksporttaýshy elge keri jiberilgen júk kólemi
1 myń tonnaǵa, ıaǵnı 1259 tekshe metrge jýyqtaıdy. Segiz jaǵ­daı­da ónim joıylyp, úsh jaǵ­daıda qaıta óńdeldi.

Anyqtalǵan zańbuzý­shy­lyqtarǵa baılanysty eks­port­taýshy elderge 477 notı­fıkasııa jiberildi. Notıfı­ka­sııanyń 252-si – О́zbekstan Res­pýb­lıkasyna, 127 – Reseı Fede­rasııasyna, 38 – Iran Islam Respýblıkasyna jiberildi.

Qazirgi tańda elimizde 77 syrtqy jáne ishki fıtosa­nı­tarııalyq baqylaý beketi ju­mys isteıdi. Onyń 32-si res­pýb­lıkanyń shekara mańyndaǵy óńirlerinde karantındik fı­tosanıtarlyq baqylaýdy kúsheıtý úshin bıyl ashylǵanyn aıta ketý kerek.

Memlekettik karantındik fıtosanıtarlyq baqylaý elge qaýipti karan­tın­dik obek­tilerdiń – ósimdik­ter­di za­qym­daıtyn ósimdik aýrý­la­rynyń qozdyrǵyshtaryn, kene, nematod syndy jándikterdiń, sondaı-aq aramshóp tuqymdarynyń Qa­zaqstan shekarasynan ishke ótip ketpeýin qadaǵalaıdy.

Aýyl sharýashylyǵy mı­nıs­­tr­­ligi Agroónerkásip keshe­nin­degi memlekettik ınspeksııa komı­teti bıylǵy 6 tamyzdan bas­tap shyǵys kóbelegi men koms­tok qurtynyń tabyl­ýyna baılanysty О́zbek­stan aýmaǵynan jemis-jıdek alyp kelýge ýa­qytsha tyıym sal­­ǵan bolatyn. Sondaı-aq ha­lyq­aralyq saýda normalaryn, onyń ishinde ósimdik­terdi qorǵaý jáne karantın jó­nindegi halyqaralyq konven­sııa men Eýrazııalyq ekono­mı­kalyq odaq talaptaryn buz­ǵany úshin mınıstrlik Qazaq­stanǵa ósimdik ónimderin fıto­sa­nıtarlyq sertıfıkat­syz kirgizýge tyrysqan birqatar ımporttaýshylardy «qara ti­zimge» engizdi.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar