Úkimet • 30 Qyrkúıek, 2020

Premer-Mınıstr Nıkolaı Podgýzovty qabyldady

11 ret kórsetildi

Premer-Mınıstr Asqar Mamın Eýrazııalyq damý bankiniń (EADB) basqarma tóraǵasy Nıkolaı Podgýzovty qabyldady, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Kezdesý barysynda 2020 jylǵy EADB jumysynyń aldyn-ala qorytyndysy jáne Banktiń budan arǵy jumysynyń perspektıvalary, onyń ishinde Qazaqstanda ınvestısııalyq jobalardy iske asyrý keleshegi talqylandy.

2020 jyldyń 9 aıynda EADB Qazaqstanda $314 mln somasyna jobalardy qarjylandyrýǵa qatysty, jyl sońyna qaraı bul kórsetkishti $335 mln deıin jetkizý josparlanǵan. Qazaqstanda EADB ınvestısııasyn tartýmen iske asyrylǵan iri jobalardyń biri Túrkistan qalasynda jańa halyqaralyq áýejaıdyń salynýy jáne «ÚAAAJ» avtomobıl jolyn salý jáne paıdalaný jobasy» boldy. 

Qazaqstanda Bank portfelindegi jobalardyń jalpy kólemi 2020 jyldyń qorytyndysy boıynsha $1,5 mlrd deńgeıinde boljanýda. Investısııalyq portfeldiń salalyq qurylymynda eń kóp úlesti energetıka (20%), kólik (20%), taý-ken óndirisi ónerkásibi (23%), mashına jasaý (5%), qarjy sektory (5%) jobalary alady.

Qazaqstan Úkimetiniń basshysy EADB-nyń AО́K, ónerkásip, kólik, energetıka jáne QR ekonomıkasynyń basqa da salalarynyń perspektıvalyq jobalaryna qatysýynyń mańyzdylyǵyn atap ótti.

Sonymen qatar iri ınfraqurylymdyq jobalardy qarjylandyrýǵa kúsh salý jáne joba aldyndaǵy qyzmetke basa nazar aýdarý qajet ekenin atap ótti.

Kezdesý barysynda 2020 jylǵy maýsymda qurylǵan EADB Sıfrlyq bastamalar qorynyń jumys isteý máseleleri, sondaı-aq Banktiń «Qazaqstan – Reseı» shekara mańy yntymaqtastyǵy baǵdarlamasyn iske asyrýǵa qatysý perspektıvalary qaraldy. Bıyl jeltoqsan aıynda ótetin Birinshi Eýrazııalyq kongreske daıyndyq barysy talqylandy, onyń basty oqıǵasy EAEO elderiniń úkimetter basshylarynyń «Ekonomıkalyq pragmatızm jáne ózara tıimdilik eýrazııalyq ekonomıkalyq ıntegrasııanyń negizi retinde» plenarlyq sessııasy bolmaq. 

Kezdesýge QR Premer-Mınıstriniń Birinshi orynbasary Á. Smaıylov qatysty. 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar