Foto: Ǵylym jáne joǵary bilim mınıstrliginiń baspasóz qyzmeti
Tıtan, berıllıı resýrstary zertteledi
Ýnıversıtet TiBeRIUM (Titanium and Beryllium for European Resilience and Innovative Utilization of Minerals) halyqaralyq jobasynyń qatysýshylary qataryna endi.
TiBeRIUM jobasy synı mańyzy bar shıkizatty jetkizýdiń ornyqty tizbekterin qalyptastyrýǵa jáne ozyq «jasyl» óńdeý tehnologııalaryn engizýge baǵyttalǵan. Qazaqstan men О́zbekstanda alǵash ret osyndaı formatta tıtan men berıllıı resýrstary keshendi túrde zerttelmek. Atalǵan metaldar Eýropalyq Odaqtyń synı mańyzy bar materıaldar tizimine engizilgen jáne joǵary tehnologııalardyń damýyna, ónerkásiptik turaqtylyq pen tehnologııalyq egemendikke tikeleı áser etedi.
Joba – 25 seriktestikti biriktiredi
Joba konsorsıýmy Germanııa, Grekııa, Kıpr, Ulybrıtanııa, Norvegııa, Ispanııa, Polsha, Belgııa, Bolgarııa, Fınlıandııa, Qazaqstan, О́zbekstan elderinen 25 seriktestikti biriktiredi. Jobanyń úılestirýshisi – Germanııadaǵy Fraıberg taý-ken akademııasy tehnıkalyq ýnıversıteti. Qazaqstan tarapynan jobaǵa D.Serikbaev atyndaǵy Shyǵys Qazaqstan tehnıkalyq ýnıversıteti, «Tenir Group» JShS jáne «Úlbi metallýrgııalyq zaýyty» AQ qatysyp jatyr.
Atalǵan joba sheńberinde Qazaqstan shıkizat jetkizýshi retinde ǵana emes, ǵylymı zertteýler, tehnologııalyq ázirlemeler jáne ekologııalyq turǵydan tıimdi qaıta óńdeý baǵyttary boıynsha tolyqqandy áriptes retinde qatysady. Bul – «óndirý – eksporttaý» modelinen «ǵylym – tehnologııa – kadrlar – qosylǵan qun» modeline kóshý jolyndaǵy naqty qadam.
Otandyq ǵylym álemdik deńgeıde básekege qabiletti
TiBeRIUM jobasyna qatysý ozyq halyqaralyq tehnologııalardyń transferin, qoldanbaly ǵylymdy jáne álemdik deńgeıdegi ınjenerlik quzyretterdi damytýdy, zertteýshiler men ınjenerlerdiń jańa býynyn daıarlaýdy, Qazaqstannyń synı mańyzy bar materıaldardyń jahandyq jetkizý tizbekterindegi rólin kúsheıtýdi kózdeıdi.
Ýnıversıtet ókilderiniń aıtýynsha, Horizon Europe baǵdarlamasy sheńberindegi básekelestik óte joǵary, zertteýlerdiń sapasyna jáne jobalardy basqarýǵa qoıylatyn talaptar qatań, ári geografııalyq artyqshylyqtar qarastyrylmaıdy. Otandyq ýnıversıtettiń osy irikteýden ótýi otandyq ǵylymnyń álemdik deńgeıde básekege qabiletti ekenin aıqyn kórsetedi.
