Nıgerııa quramasynyń burynǵy oıynshysy jańa maýsymda qyzylordalyq klýbtyń namysyn qorǵaıdy.
«Qaısardyń» jańa quramy legıonersiz oınaıdy
«Vıktor Mozes Eýropanyń birqatar alpaýyt klýbtarynda óner kórsetip, joǵary deńgeıdegi tájirıbesimen tanylǵan fýtbolshy. Onyń «Qaısar» sapyna qosylýy – komandanyń aldaǵy maýsymdaǵy maqsattarynyń aıqyn dáleli», dep jazdy «Qaısar» fýtbol klýbynyń baspasóz qyzmeti.
Fýtbol klýbynyń málimetinshe, klýb basshylyǵy men bapkerlik shtab Vıktor Mozestiń tájirıbesi men sheberligi komandanyń damýyna jáne jas oıynshylardyń ósýine oń áser etedi dep senedi.
Mozes kásibı mansabynda 495 matchqa qatysyp, 62 gol men 47 nátıjeli pastyń avtory atandy. Nıgerııa quramasynyń sapynda 38 oıyn ótkizip, 12 márte mergendigimen tanylǵan.
Buǵan deıin Portýgalııa quramasy men «Manchester Iýnaıtedtiń» ańyzǵa aınalǵan oıynshysy Lýısh Nanı resmı túrde «Aqtóbe» fýtbol klýbynyń sapyna qosylǵanyn jazǵan edik.
