Osylaısha qazaqstandyq blogerdiń esimi álemge tanymal ınflıýenserlermen qatar ataldy.
WIBA Awards – halyqaralyq deńgeıde tanylǵan kontent avtorlaryn marapattaıtyn bedeldi syılyqtardyń biri. Bul marapat digital-ındýstrııaǵa yqpal etip, aýdıtorııa nazaryn aýdara alǵan avtorlarǵa tabystalady.
Dastan Muhamedrahımniń vıdeolary tabıǵattyń kórkin, túrli qalalardyń atmosferasyn jáne elderdiń mádenıetin erekshe kıno stılinde kórsetýimen erekshelenedi. Sońǵy bir jyl ishinde onyń kóptegen rolıgi mıllıondaǵan qaralym jınap, keıbiri Instagram jelisiniń resmı paraqshalary men usynymdaryna shyqqan.
Jeli qoldanýshylary men áriptesteri blogerdi jeńisimen quttyqtap, bul jetistikti otandyq blogıng úshin mańyzdy oqıǵa dep baǵalap jatyr.
Aıta keteıik, buǵan deıin Dastan Muhamedrahım WIBA Awards 2026 jeńimpazdarynyń qataryna engenin habarlaǵan bolatyn. Alaıda marapatty tabystaý rásimi endi uıymdastyryldy.
