Foto: Qorǵanys mınıstrligi
Olarǵa ulttyq qaýipsizdikti qamtamasyz etý, terrorızm men ekstremızmge qarsy kúres, memlekettiń egemendigin qorǵaý jáne azamattardyń qaýipsizdigin saqtaý sııaqty mańyzdy mindetter júktelgen.
Arnaıy beretti ıelený – áskerı qyzmetshiniń joǵary daıyndyq deńgeıiniń sımvoly. Bul synaqtar úmitkerlerden tózimdilik, psıhologııalyq turaqtylyq jáne taktıkalyq, atys, arnaıy daıyndyqtyń joǵary deńgeıin talap etedi.
Qazaqstanda áskerı oqý oryndarynyń úzdik túlekterine «aǵa leıtenant» ataǵy beriledi
Otandyq arnaıy jasaq halyqaralyq deńgeıde de joǵary nátıje kórsetip keledi. Olar bedeldi jarystar men oqý-jattyǵýlarda jaýyngerlik daıyndyq pen kásibı sheberligin dáleldedi. Bıyl UAE SWAT Challenge 2026 týrnırinde Qazaqstan komandalary 48 eldiń 109 komandasy arasynda úzdik nátıje kórsetip, jalpy esepte birinshi jáne ekinshi oryndardy ıelendi. «Tomırıs» komandasy áıelder arasynda jeńimpaz atandy.
Búginde arnaıy maqsattaǵy bólimsheler zamanaýı tehnologııalardy meńgerip, jaýyngerlik áleýetin kúsheıtip jatyr. Olar memleket qaýipsizdiginiń senimdi tiregi bolyp qala beredi.
Aıta keteıik, buǵan deıin elimizde 29 mamyr – bitimgerler kúni atalyp ótti. Qorǵanys mınıstrliginiń málimetinshe, 2014 jyldan beri 900-den astam otandyq áskerı qyzmetshi Birikken Ulttar Uıymynyń túrli bitimgerlik mıssııalaryna qatysqan.
