Siz ne deısiz?..

Qystan qysylmaımyz Aqsý qalasynan bizge habar­lasqan turǵyndar bıylǵy qys­tan byltyrǵydaı apatty jaǵ­daılar oryn alyp, qıyndyq kórip qalmaımyz ba degen­ qaýip­t­erin aıtyp habarlasqan bo­la­tyn. Otyz jyldan asa ýaqyt kúrdeli jóndeý jumystary júrgizilmegen sý qubyrlarynyń, jylý jelileriniń ádette sýyq túse bastaǵanda syr beretini bar. Osy jerdegi ferroqorytpa zaýyty, “Eýrazııalyq energe­tı­kalyq korporasııasy” tárizdi iri kásiporyndardyń tutynýshy­lar­ǵa qyzmet kórsetýden bas tartýy, elektr energııasynyń, janar-jaǵar maı materıal­da­ry men basqa da taýarly ma­te­rıaldar baǵalarynyń qym­battaýy turǵyndardy biraz áýre-sarsańǵa salatyny taǵy anyq. Sonymen, bıylǵy qys qalaı bolar eken? “Egemen Qazaqstannyń” Pavlodar oblysyndaǵy tilshisi Farıda Byqaı Aqsý qalasynyń ákimi Orazkeldi Qaıyrkeldınovke: – Siz buǵan ne deısiz?.. – Aıtylǵan másele durys. Tur­ǵyndardyń alańdaýyna da negiz bar. Al biraq bıylǵy qys­tan qalaı shyǵamyz dep qorqyp-úrkýge endi negiz joq qoı dep oılaımyn. Jalpy, oblys jáne qala basshylyǵy tarapynan qa­byldanǵan shuǵyl áreketterdiń nátıjesinde  ótken jyly 38,6 mıllıon teńge qarjy bólinip, uzyndyǵy 8,7 shaqyrym qubyr aýys­tyryldy. Bólingen qarjy kózine qorshalǵan bógen turǵy­zylyp,  arnasy tazalanyp,  ýa­qyt­sha sý taratqysh quryldy. Tótenshe jaǵdaılar jónindegi de­partament, azamattyq qorǵa­nys, apatty joıý jáne aldyn alý  mekemeleriniń mamandary   jaǵ­daıdy zertteý maqsatynda birneshe ret kelip, qalanyń sý sharýashylyǵy qurylysyn to­ly­ǵymen qaıta qurý, jańartý qa­jet degen qorytyndy shyǵardy. Oblys ákimi  Baqytjan Sa­ǵyn­taev Úkimet basshysy Kárim Másimovke hat joldap, qaladaǵy sý qubyrlarynda qalyptasqan apatty jaǵdaıǵa oraı qarjy bólýdi surady. Mamandar negizgi sý jınaǵyshta apatty jaǵdaı týyndaǵanyn jáne kúrdeli jón­deý jumystarynyń júrgizilmeýi qalaǵa sý jetkizýdi tolyq shek­tep,  sý basý qaýpi bar  ekendigin jáne ony qysqa merzimde toq­tatý múmkin emestigin moıyn­dady. Úkimet hatty qabyl alyp, mamyr aıynda  qalanyń sý sha­rýa­shylyǵy nysandaryn qaıta qurýǵa 374,5 mıllıon teńge,  sý jınaǵysh jáne sý sorǵy stan­sa­laryn qaıta qurýǵa 227,1 mıl­lıon teńge, qysymdy káriz kol­lektoryna 147,4 mıllıon teńge bóldi. Búgingi tańda  jazdan bastap qyzý jumys júrgizildi. Sý jı­naǵyshqa sorǵy agregaty bar sý taratqysh salyndy, túbi túrli qo­qystan tazartylyp, toǵan qu­rylysy jasaldy, sý qabyl­da­ǵysh kameradan sorǵy stansa­sy­na deıin sý taratqysh qubyr­lar­dy aýystyrý jumystary júr­gi­zildi. Dıametri 630 mıllımetr qubyrlar tóseldi. Endi qala turǵyndary qysty qıyndyqsyz ótkizedi degen senim bar. Pavlodar oblysy, Aqsý qalasy.