Qutqarýshy • 19 Qazan, 2023
Naǵyz qutqarýshy júretin soqpaqqa túsý úshin tek jalań kúsh pen kózsiz batyr bolý azdyq etedi. Shyn qutqarýshynyń medısına men psıhologııa salasynan da habary bolý kerek. О́ıtkeni kúndelikti qyzmet barysynda adamdarǵa alǵashqy dárigerlik, psıhologııalyq kómek kórsetýge, bıikke órmelep, qyp-qyzyl shoqtyń kózine qoıyp ketýge, aq borannyń astynan adaspaı jol taýyp, adam ómirin arashalaýǵa, keıde muz astyna súńgýge týra keledi.
Qutqarýshy • 19 Qazan, 2023
Jyl basynan beri Aqtóbe oblysynyń aýmaǵynda 428 órt tirkelip, sonyń saldarynan 9 adam qaza tapsa, 11-i ártúrli dárejede jaraqat alǵan. О́rttiń shyǵý qaýpi de ártúrli. Qys kezinde turǵyn úılerde gaz ballondarynyń atylýy jıilep, jylytý peshteriniń aqaýynan kómirqyshqyl gazynan ýlaný derekteri kóbeıedi. Oǵan avtogaz quıý beketterinde turmystyq gaz ballondaryn toltyrý kezinde tehnıkalyq aqaýlarǵa jol berý de sebep bolyp júr.
Ádebıet • 19 Qazan, 2023
Kóktemde qar sýy qaıta, jylqynyń jony kúnge bir qyzyp, tisin kókke endi qadaı bergende jelqursaq aıǵyr mingender jaqsy biledi. Janýar jaı turǵanda qalaı bılep, bir qyryndap júretinin. Basyn qaqshıta qulaǵyn tigip alǵan besti aıǵyr júrmeı-aq tórt aıaǵynan bılep bara jatady. Onyń shoq basqandaı alshysynan túsken, túsip otyrǵan aıaq alysynan arynyn sezerge kerek. Mingen boıda týlap ala jónelgen shý asaý taı-qunannyń ári-beri tartqany jaı delbeńbaı bolyp qalady. Meıli, shý asaý bolsa da. Al kisinese demi ókpe-baýyryn, júregimen qosa syrtqa atyp jibererdeı álgi besti aıǵyrdyń ornynan qozǵalyp ketkeniniń ózi jer teńselip ketkendeı áser etedi. Ony ustap, tizgindep otyrýda ońaı emes. Týra sol sııaqty áserdi shyǵarma oqyǵanda da baıqaýǵa bolady. Alyptardyń kesek týyndylary oqı bastaǵanda tórt aıaǵyn teń basqan tarlandaı arnalanyp, janyńdy uly bastaýlarǵa ala jóneledi. Taý teńselip ketkendeı, jer qozǵalyp, jazyq aǵyp, qum kóship bara jatqandaı. Jazdygúni kóz ushyndaǵy taýlardy saǵym kóterip áketkendeı, tura-tura zerikken dúnıe bir sátte qozǵala barady. Solardyń arasynan arna taýyp ǵumyrlar kóshedi. Dáýirler qulaǵyn qyltıtyp, ǵasyrlardyń júgi syz beredi.
Tulǵa • 19 Qazan, 2023
Kórnekti ǵalym Zeınolla Qabdolov: «Tahaýı Ahtanov kim?» degen suraqqa «Úlken úsheý – «Qaharly kúnder», «Boran», «Shyraǵyń sónbesin», dep jaýap beripti. Ekinshi dúnıejúzilik soǵystan keıin ádebıetke kelgen jazýshylardyń ishinen aldymen aýyzǵa Tahaýı Ahtanovtyń esimi ilinedi. Ol ádebıet esigin óziniń keıbir qatarlastary sekildi qaǵyp kirgen joq, erkin ashyp, áp degennen óz ornyn ıelendi.
Ádebıet • 19 Qazan, 2023
Bıyl ǵasyrlyq toıy atap ótilip jatqan kórnekti jazýshy Tahaýı Ahtanovtyń «Qaharly kúnderdegi» ataqqumar Ýálıdi, «Mahabbat muńyndaǵy» jaýapsyz Nııazdy, «Borandaǵy» ádiletsiz Qasbolatty, jaýyz belsendi Jappasbaıdy bilmeıtin oqyrman kemde-kem. Bul keıipkerlerdiń bári de synshyl sýretkerdiń týyndylaryndaǵy ómir shyndyǵynyń qarama-qaıshylyqty sıpatyn beredi. Sol ýaqyttyń aqıqaty men jalǵanyn, sol qoǵamnyń dańqy men daqpyrtyn, dertin kórsetedi. Sóıte tura avtor qalamy lırıkalyq syrshyldyq sarynnan da alys emes. Tipti jazýshynyń adam janynyń tereń ıirimderine úńilip, úmiti men ókinishin, sezimi men áserin qozǵaıtyn keı shyǵarmalaryn kóp jurt bile bermeıdi. Sonaý 1960 jyly jazylǵan shap-shaǵyn «Ol solaı edi» áńgimesi de oqyrmanǵa beımálim bolýy múmkin.
