Oqıǵa • 09 Jeltoqsan, 2020
«Qap-qara adam» «Altyn globýs» júldesinen úmitker
Rejısser Ádilhan Erjanovtyń «Qap-qara adam» fılmi «Altyn globýs-2020» syılyǵynyń «Sheteldiń úzdik fılmi» nomınasııasyna úmitkerlerdiń tizimine endi. Bul amerıkalyq júldeni Gollıvýdtyń shetel baspasóz qaýymdastyǵy (HFPA) jyl saıyn kıno jáne telefılmderdegi úzdik jumystar úshin tabystaıdy.
Tarıh • 09 Jeltoqsan, 2020
Aqtóbede «Er Edige – Noǵaıly dáýiriniń jyry» taqyrybynda ótken halyqaralyq ǵylymı konferensııada ár kezeńde 40-tan astam jyrshy-jyraý oryndaǵan «Er Edige – Noǵaıly dáýiriniń jyrlary» atty eki tomdyq albom tanystyryldy. 10 dybystyq jazba dıskisinen turatyn jınaq Muryn Seńgirbaıuly jyrlaǵan «Qyrymnyń qyryq batyry», Nurpeıis Baıǵanınniń «Qarasaı-Qazıy», Nurtýǵan Kenjeǵululy jyrlaǵan «Máýlimnııaz», «Edige», «Oraq-Mamaı», «Qarasaı-Qazı» dastandarynan bastalady. Birinshi bóliminde Noǵaıly dáýiriniń basty qaharmandary týraly derekter berilip, jyrdy osy kúnge deıin jetkizgen jyrshy-jyraýlardyń ómirbaıandary qazaq, orys jáne aǵylshyn tiline aýdarylǵan.
Ekologııa • 09 Jeltoqsan, 2020
Tabıǵatty qorǵaý tárbıelik sharalarmen shektele me?
Tabıǵatty qorǵaý mektepte sharalar ótkizýmen shektele me? Bul másele Mańǵystaý oblystyq qoǵamdyq keńesiniń kezekti otyrysynda «Halyqqa ekologııalyq bilim berý men aǵartý jumystary» taqyryby aıasynda qaraldy.
Qoǵam • 09 Jeltoqsan, 2020
Kıik qorǵaýshylarmen ótken bir kún
«Adamata jerge túskende ony eń birinshi kórip, sálem berem dep aqbóken izdep kelipti. Kúni-túni toqtamaı shaýyp, alqynyp kelip Adamatanyń aıaǵyn súze qulaǵan eken. Adamata janýardy aıalap kóterip, arqasynan sıpapty – kıiktiń jon terisine hosh ıis bitipti, tuıaǵynan sıpapty – jelden júırik bolypty, tumsyǵynan sıpapty – tumsyǵy maqpaldaı jup-jumsaq bolypty...»
Tanym • 09 Jeltoqsan, 2020
Túnde Eraǵam, kádimgi kósemsózdiń serkesi, ásem jyrdyń erkesi eren aqyn Erkesh Ibrahım túsime endi. Kókshe taýlarynyń batysqa qaraı sozylyp, Jekebaıaq dalasymen ulasatyn tusyndaǵy bir silemi – Aqan taýynyń eteginde qarashanyń jel úıirgen jeńil qary úkideı jelpildegen bıikke qyzyqtaı qarap tur eken deımin. Kenet jotadan zýlap kele jatqan qolshana janynan óte bere bult ete túsip, ústindegi bala eki-úsh aýnap turyp, tómen quldılaı jónelgen shanada jumysy joq, qulaǵanyna qysylǵandaı yrjıyp aqynǵa qarady. «Baıqasań edi, bátir, bir jeriń aýyryp qalǵan joq pa?! – dep eljireı túsip, – biraq bárimiz de belesten asqanda osylaı bir-bir qulap turǵanbyz..., – dep kúlip jiberdi. Sol daýystan oıanyp kettim. Apyraı, qarasha aqynnyń ómir esigin ashqan aıy edi ǵoı, sony umytyp kettińder-aý dep júr me uly rýhy jaryqtyqtyń. Iá, janary ot shashyp jarqyldap ortamyzda júrse, toqsanǵa kelgenin toılap jatar edik qoı dep uzaq oıǵa shomyp, qaıtyp kóz ile almadym.
