Prezıdent • 26 Aqpan, 2018
Darıǵa Nazarbaeva Lı Kýan Iý baǵdarlamasy boıynsha Sıngapýrda boldy
Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva Sıngapýr Úkimetiniń bastamasy boıynsha Lı Kýan Iý atyndaǵy almasý baǵdarlamasyna qatysý maqsatynda Sıngapýrda boldy, dep habarlady Senattyń baspasóz qyzmeti.
Baǵdarlamalar • 26 Aqpan, 2018
О́mir ózgeristen turady. Qazaqstan Respýblıkasynyń Prezıdenti latyn grafıkasyna kóshý týraly táýelsizdik alǵan kúnnen bastap oılap, ony júzege asyrý joldaryn qarastyrdy. Biraq Qazaqstandaǵy ekonomıkalyq, demografııalyq jaǵdaı tosyn sheshim qabyldaýǵa múmkindik bermedi. Sondyqtan da ómirdi tereń tanıtyn, álemdik saıasattyń ishki ıirimderin jaqsy biletin bolǵandyqtan, N.Á.Nazarbaev: «Kimge kúsh kórsetemiz? Jan-jaqty kórshilermen qyrǵı-qabaq bolyp erteńgi kúni elimizdi úlken-úlken ulttarǵa, elderge qarsy qoıyp talan-tarajǵa túsirsek, til turmaq bas qaıǵy bolady. Shydaý kerek. Kópirden ótetin ýaqyt onsha kóp emes. Bir on bes-jıyrma jyl ýaqyt kerek», – dep edi «Qazaq tili» qoǵamynyń quryltaıynda. Prezıdent aıtqandaı, sodan beri 26 jyl ótti. Qazaqstan álem moıyndaǵan memleketke aınaldy. О́z memleketinde ózi azshylyqta bolǵan qazaq halqynyń úles salmaǵy 65 paıyzdan asyp jyǵyldy. Ulttyq jańǵyrý júrip jatty.
Qazaqstan • 26 Aqpan, 2018
«Imstalkonnyń» aıaǵynan tusaý alyndy
Respýblıkalyq «Egemen Qazaqstan» gazetiniń 2016 jylǵy 2 tamyzdaǵy №146 (28874) sanynda «Arasha» aıdarymen «Sberbanktiń» tábeti tartyp barady... nemese «Imstalkonnyń» óndiristik qýatyna tusaý qalaı salyndy?» atty syn maqala jarııalanǵan bolatyn. Onda ǵımarat salýda ózindik qoltańbasy bar, metall qurylǵylaryn jasaý men qurastyrýda respýblıkamyzda birinshi bolyp 1991 jyly óndiristik qyzmetin jańasha baǵytta bastaǵan, baıyrǵy «Kazstalkonstrýksııa» qurastyrý tresiniń (1956 j.) zańdy murageri táýelsiz Qazaqstannyń qurdasy «Imstalkon» AQ pen reseılik «Sberbanktiń» arasynda týǵan túıtkil týraly jazylǵan.
Qysqy sport • 26 Aqpan, 2018
Qosh, Phenchhan! Kóriskenshe, Beıjiń!
Ońtústik Koreıanyń Phenchhan qalasynda XXIII qysqy Olımpııa oıyndary resmı túrde aıaqtaldy. Keshe 17 kún boıy Olımpıadanyń ordasyna aınalǵan Phenchhanda Olımpıada týy tómen túsirilip, Phenchhan qalasynyń meri Olımpııa týyn HOK prezıdentine qaıtaryp berdi. О́z kezeginde Tomas Bah ony 2022 jylǵy qysqy Olımpıada astanasy – Qytaıdyń Beıjiń qalasynyń merine ustatty. Al sońynan halyqaralyq Olımpıada komıtetiniń prezıdenti Tomas Bah Phenchhan qysqy Olımpııa oıyndary jabyq dep jarııalady. Sóıtip taǵy bir Olımpııa oıyndary tarıh qoınaýyna endi. Phenchhan Olımpıadasy barlyq jaǵynan alǵanda da óziniń aldyndaǵy oıyndardan bir saty joǵary deńgeıde ótti. Ony Olımpııa oıyndaryna qatysy bar mamandardyń barlyǵy aıtady.
Qazaqstannyń táýelsizdik alǵaly bergi syrtqy ekonomıkalyq saıasattaǵy basym baǵyttarynyń biri – Ekonomıkalyq yntymaqtastyq jáne damý uıymymen (EYDU) ekijaqty qarym-qatynastardy tyǵyz ornatyp, ony júıeli túrde damytý bolyp tabylady. Sol sebepten, elimiz alǵashqy kúnnen óz damý jolynda naryqtyq ekonomıkany tańdap, memleketimizde jekemenshik kepildigin ornatyp, ekonomıka zańdylyqtarymen júrip keledi.
