Aımaqtar • 20 Naýryz, 2021
Apta basynda Memleket basshysy Qasym-Jomart Toqaev Saýran aýdanyn qurý týraly tarıhı Jarlyqqa qol qoıdy. Kezinde iri saýda ortalyǵy negizinde qurylyp, Uly Jibek jolynyń boıynda ornalasqan, tarıhy Túrkistan uǵymymen bite qaınasyp jatqan ortaǵasyrlyq Saýran qalasy ataýynyń jańa aýdanǵa berilýin túrkistandyqtar Ulystyń uly kúni qarsańynda eldi qýantqan erekshe oqıǵaǵa balaýda. Halyqtyń kóbeıip, jańa aýdannyń qurylýyn el Táýelsizdiginiń jemisi sanaıdy.
Qoǵam • 20 Naýryz, 2021
Kóktemgi kún men túnniń teńelip, jalǵanda jaryq kóbeıe bastaıtyn Naýryz merekesin batysqazaqstandyqtar 14 naýryzda «Kórisý aıtymen» bastap ketetini belgili. Bul kúnniń negizgi atrıbýty – eldiń úlkenine, aýyldyń aqsaqalyna arnaıy baryp sálem berip, aq batasyn alý.
Aımaqtar • 20 Naýryz, 2021
Jyljymaly keshen aýyldardy aralaıdy
Oblys ortalyǵynan shalǵaıda jatqan Katonqaraǵaı aýdanynyń turǵyndary jyljymaly medısınalyq keshende tolyq tekserýden ótti. Mundaı múmkindik kúndelikti bola bermeıtindikten, densaýlyǵyna alańdaǵan aýyldaǵy aǵaıyndardyń qatary kóp boldy.
Qoǵam • 20 Naýryz, 2021
Ulttyq halyq sanaǵy: upaı túgendeletin tarıhı sát
Aldaǵy kúz aılarynda tutas bir memlekettiń ishki bolmys-bitimi, halyqtyń tynys-tirshiligi tarazyǵa tartylatyn tarıhı sát kútip tur. Olaı deıtinimiz, on jylda bir ret ótkiziletin Ulttyq halyq sanaǵy elimiz egemendik alǵaly beri osymen úshinshi márte uıymdastyrylǵaly otyr. Úsh on jyldyqta jetken jetistigimiz bolsa, jiliktep jipke tizetin, ketken esemiz bolsa, keri burylyp kem-ketigin aıqyndap alatyn sát bul. Árıne, halqymyzdyń baryn baǵamdaıtyn bul sanaq óz dástúrinen jańylmaǵanda osydan týra eki jyl buryn qolǵa alynyp, nátıjesi saraptalýy tıis edi. Alaıda túrli sebepterge baılanysty bul jumys aldymen 2020 jylǵa, keıin pandemııanyń kesirinen 2021 jylǵa shegerildi. Osylaısha, upaıymyz túgendeletin Ulttyq sanaqty ótkizýdiń sáti bıyl kelgen sekildi. Jalpy, halyq sanaǵy – belgili bir ýaqyt sheńberinde halyqtyń demografııalyq, ekonomıkalyq, áleýmettik sıpattaǵy aqparatyn jınaý, óńdeý, jarııalaý, taratý maqsatyndaǵy jalpyulttyq statıstıkalyq saraptaý sanalǵanymen, onyń aýqymy áldeqaıda keń. Sebebi sanaqtyń qorytyndysy esep-qısap úshin ǵana emes, eń aldymen memlekettiń aldaǵy damý baǵytyn aıqyndaý, basqarýshylyq sheshimder shyǵarý úshin qajet. Memleket basshysy Qasym-Jomart Toqaev Reformalar jónindegi joǵary keńestiń úshinshi otyrysynda Ulttyq sanaqty uıymdastyrý máselesin aıta kele, halyq sanaǵy turǵyndardyń naqty sanyn, onyń jas jáne genderlik quramyn, ýrbanızasııa deńgeıin, tabys kólemi men basqa da mańyzdy taldaý derekterin anyqtap, tekserilgen ári dáıekti basqarýshylyq sheshimder qabyldaýǵa múmkindik beretinin atap ótken bolatyn. Sondyqtan mánge de, mazmunǵa da baı bul naýqanǵa birjaqty qaraýǵa bolmaıdy.Keleli iske daıyndyq barysy da keńinen qolǵa alynyp jatyr. El Prezıdentiniń tapsyrmasy boıynsha osy Ulttyq sanaqty uıymdastyrý jáne ótkizý jumystarymen aınalysatyn arnaıy komıssııa quryldy. Bul rette «Egemen Qazaqstan» gazeti eldi eleń etkizgen endigi naýqan aldynda dóńgelek ústel uıymdastyrǵan edi. Oǵan Premer-Mınıstrdiń birinshi orynbasary Álıhan Smaıylov, Strategııalyq josparlaý jáne reformalar agenttiginiń Ulttyq statıstıka bıýrosy basshysynyń orynbasary Nııaz Kóshkimbaev, Bilim jáne ǵylym mınıstrligi Ǵylym komıteti Ekonomıka ınstıtýtynyń ǵylymı qyzmetkeri, áleýmettanýshy Aısulý Moldabekova, BUU-nyń Qazaqstandaǵy ókildiginiń baspasóz hatshysy Elnara Baınazarova qatysyp, oramdy oı-pikirlerin ortaǵa saldy.
Qazaqstan • 20 Naýryz, 2021
О́tken tarıhymyzdy bilip, bolǵan oqıǵalardyń ýaqyt naqtylap, kóne qoljazbalardy zertteýmen aınalysatyn adamdar úshin «Hıjra» jyl esebin, biz qoldanatyn «Grıgorıan» jyl esebine aınaldyrý tásilin bilýi óte qajet.
