О́ner • 04 Maýsym, 2024
Halyqaralyq balalardy qorǵaý kúnine oraı el astanasynda respýblıkalyq alǵashqy «Aiala» art-ekofestıvaliniń ashylý saltanaty ótti. Festıval elimizdiń túkpir-túkpirinen kelgen oqýshylarǵa óner arqyly qorshaǵan ortaǵa qamqorlyq kórsetýge múmkindik beredi.
Teatr • 04 Maýsym, 2024
«Ákemteatr» qoshemetke bólendi
«Almatydan gastroldik saparmen Muhtar Áýezov atyndaǵy Qazaq ulttyq drama teatry keldi» degendi estigen el qatarynan bes kún bolatyn qoıylymdarǵa aldyn ala bılet alǵan-dy. Kassa aldynda bılet tappaı sabylǵandary qanshama? Alǵashqy kúni teatr basshylyǵy baspasóz ókilderimen kezdesip, óner sapary týraly syr shertken, Shyǵys jurtyn teatrǵa shaqyrǵan.
Sharýashylyq • 04 Maýsym, 2024
Aýa raıyn boljaýshy mamandardyń málimdeýinshe, soltústik óńirlerde kúz jáne qys boıy jınalǵan ylǵal qory jetkilikti, al ońtústik, ońtústik-shyǵysta qýańshylyq bolýy múmkin. Bul – boljam. degenmen dıqan qaýymy ony árdaıym eskereri anyq. Sýdy kóp qajet etetin egis alqabyn birtindep azaıtyp, bir ǵana daqyl túrin egýdi shekteý qajettigin Memleket basshysy Qasym-Jomart Toqaev «Ádiletti Qazaqstannyń ekonomıkalyq baǵdary» atty Joldaýynda da aıtqan bolatyn.
Ekonomıka • 04 Maýsym, 2024
Múddeler múıisi. Uly Jibek jolynyń jalǵasy – Transkaspıı
Osydan qanshama myń jyl buryn, anyǵyraq aıtsaq, bizdiń dáýirimizge deıingi II ǵasyrda Batys pen Shyǵystyń arasyn jalǵaıtyn Uly Jibek jolynyń dáýiri bastaldy. Qytaıdaǵy Hýanhe ózeniniń ańǵarynan bastaýyn alǵan uly jol Tarym oıpatyn kókteı ótip, Pamır ústirtinen asyp, Ortalyq Azııany, Batys Azııany kesip ótip, Jerorta teńiziniń shyǵys jaǵalaýyna deıin jetti. Ǵalymdar esebinshe, jalpy uzyndyǵy 12 myń shaqyrym bolǵan desedi. VI-VII ǵasyrlarda Jetisý men elimizdiń ońtústigi arqyly ótetin baǵyttyń tıimdiligi arta túsken. Bizdiń zamannyń uly joly – Transkaspıı halyqaralyq kólik marshrýty (THKM) bolatyn syńaıly. Muny keı kezde Orta dáliz dep te júrmiz. Bul baǵyt ta bastaýyn Qytaıdan alady. Lıanıýngan portynan bastalǵan marshrýt Qorǵas qurǵaq portyna, Dostyq beketine taıap keledi, odan ári taýar tıelgen vagondar Aqtaý men Quryq porttaryna jetkiziledi. Tizbek ári qaraı Ázerbaıjan, Grýzııa jáne Túrkııa topyraǵynda jalǵasyp, Qara teńiz arqyly Eýropaǵa shyǵady. Transkaspııdiń de uzyndyǵy 12 myń shaqyrymǵa shamalas. Uly Jibek joly arqyly bir kezderi san alýan taýar, ásirese jasmın sýy men ambra, kilem men mata, gaýhar men pil súıegi, altyn quıma men qaýyn-qarbyz tolassyz tasymaldanypty. Árıne, eń basty taýar – jibek edi. Qazir de Transkaspıı arqyly taýardyń túr-túri tasylady. Solardyń ishindegi eń asyly da baǵalysy – qazirgi jibegimiz – munaı. Uly Jibek jolynyń boıynda Qulan, Aspara, Almaty, Talhır, Saýran, Syǵanaq, Ispıdjab sııaqty kórkem shaharlar boı kóterdi. Qazirgi Transkaspıı jelisi túsip jatqan ólkelerdiń de ón boıyna qan júgirip, ınfraqurylym jaqsardy. Jańa temirjol ótkelderi, jańa porttar men beketter turǵyzylyp, saýda ortalyqtary kópfýnksıonaldy qatynasty kúsheıtti. Eń mańyzdysy – VI ǵasyrdaǵy Túrik qaǵanaty, XIII ǵasyrdaǵy Shyńǵys han ımperııasy, al XIV ǵasyrdaǵy Temip ımperııasy Uly Jibek jolynyń boıynda taramdalyp jatqan búkil joldy baqylaýyna alsa, búginde Transkaspııdi de, baıyrǵy alyp ımperııalardyń zańdy murageri Qazaqstan tarapy bas bolyp damytyp, marshrýtqa qatysty barlyq is-sharany elorda tórinen retteýge atsalysyp otyr.
Sport • 04 Maýsym, 2024
Ár sportshynyń asqaq armany jáne basty maqsaty – Olımpııa oıyndary men álem chempıonattary sekildi dúbirli dodalarda óz eliniń ánuranyn shyrqap, týyn kókte jelbiretý. Memlekettik rámizder kúni osy jaǵdaıǵa baılanysty otandastarymyzdyń aıtqan áserli sózderin jadymyzda taǵy jańǵyrtýdy jón kórip otyrmyz.
