Aımaqtar • 25 Shilde, 2017
Kásipkerlik jáne týrızm basqarmasy men «Qyzyljar jastary» qoǵamdyq birlestiginiń uıytqy bolýymen oblys-ta alǵash ret «Balqymyz» festıvali ótip, ulttyq salt-dástúrlerimiz keńinen dáripteldi.
Qazaqstan • 25 Shilde, 2017
Teatr • 25 Shilde, 2017
Oblys ortalyǵyna jaqyn mańdaǵy Saıram eldi mekeninde ornalasqan Ońtústik Qazaqstan oblystyq ózbek drama teatrynyń ashylý saltanatyna Memleket basshysy Nursultan Nazarbaev qatysyp, shyǵarmashylyq ujymǵa sáttilik tilegen bolatyn. Sodan beri 2003 jylǵy 22 qazan mundaǵy ózbek jurtshylyǵy úshin eń bir esten ketpes tarıhı kún bolyp sanalady. Áne-mine degenshe arqa-jarqa kúı keshtirgen sol bir qýanyshty sátke bıyl kúzde 15 jyl tolady eken. Zymyraǵan ýaqyt-aı deseńshi. Osy aralyqta 60-tan astam týyndy sahnalansa, bulardyń ishinde etnosaralyq tatýlyqtyń qazaqstandyq úlgisin nasıhattaýǵa arnalǵan tushymdylary qanshama. EKSPO-2017 kórmesi aıasyndaǵy Qazaqstan Ulttyq (etnıkalyq) teatrlarynyń IV respýblıkalyq festıvaline qatysqan Ońtústik Qazaqstan oblystyq ózbek drama teatry elordalyqtarǵa merekelik shashý retinde «Qojanasyr Saıramda» spektaklin tartý etti. Osy sátti paıdalanyp biz teatrdyń jas ártisi ári rejısseri Javlon Saıdovty áńgimege tartqan edik.
Sońǵy jyldary túrli telearnalarda tok-shoýlar kóptep paıda bola bas-tady. Olardyń arasynda kórermender yqylasyna bólenip, ózindik syr-sıpatymen erekshelenetinderi de joq emes. Máselen, Beısen Quranbek, Aman Tasyǵan sııaqty jýrnalıster júrgizip kele jatqan tok-shoýlar kópshilik kóńilinen shyǵyp júr. Degenmen, birqatar tok-shoýlarda kóterilgen máselelerdi talqylaý barysynda «bir qaınaýy ishinde» ketip jatatyn jaǵdaılar da kezdesip qalyp turady. Ondaı jaıttar keıbir jýrnalıst áriptesterimizdiń teledıdar arqyly qozǵaǵaly otyrǵan taqyrypty jan-jaqty zerttep, máselege tereńirek úńilmeýiniń saldarynan oryn alatyn sııaqty. Ekinshiden, qazaq tildi tok-shoýlarda kóbine jastar pikir aıtyp jatady. Tirshilikte bolyp turatyn, tájirıbeli degen úlkenderdiń ózi keıde sheshimin tabýda qınalyp qalatyn san-qıly jaǵdaılar týraly ómirge endi ǵana qadam jasaı bastaǵan adamdardyń oı-pikirler aıtýy qanshalyqty durys degen kúmán da osyndaıda týyndaıdy.
Rýhanııat • 25 Shilde, 2017
Kúı degenimiz – rasymen de sharq urǵan sezim men sarqylǵan tózim eken ǵoı. Áıtpese, qııaq yssa qobyzdyń besti aıǵyr qylynan shyqqan únge, kóbe sóger kók serkeniń sheginen tógilgen sıqyrly mýzykaǵa uly dala halyqtary nege qumar?! Arqa jaǵynda, týra aıtqanda, Moıynty qumynda áıgili shertpe kúıdiń sherli ulyǵy Táttimbettiń «Bes tóresine» berilgen keremet baǵa bar. Eger kúıge qol jalǵaǵan dombyrańyz «Bes tóreni» shertýge jarasa, onda ol dombyramen barlyq kúıdi múltiksiz mánermen oryndaı berýińizge bolady.
