Prezıdent • 30 Jeltoqsan, 2022
Konstıtýsııalyq Sot: Ádildik pen zańdylyq jolyndaǵy mańyzdy qadam
Prezıdent Qasym-Jomart Toqaevtyń qatysýymen Parlament Senatynyń otyrysy ótti. Senat tóraǵasy Máýlen Áshimbaev otyrystyń kún tártibin jarııalap, daýysqa saldy. Sodan keıin Qasym-Jomart Toqaev Parlament Senaty depýtattarynyń aldynda sóz sóıledi.
Ádebıet • 30 Jeltoqsan, 2022
Jylqyshynyń balasyna nemese jylqyshyǵa ómir attyń ústinen, jylqynyń qulaǵynan bastalady. «S.Seıfýllınniń «Taý ishinde» áni aıańshyl attyń júrisin eske salady» degenin bir emes, birneshe esti adamnan estigem. Qazirgi motosıkl mingen jylqyshylar túsinbeýi múmkin, negizi attyń ústi, onyń eleńdegen qulaǵy – nebir dúnıeniń kózin ashady. Júregi bar adamdy tabıǵı tepe-teńdikke (úılesim), esti arnaǵa túsirmeı qoımaıdy. Jol jorǵasy bar jelisti atqa taqymyń bir tıdi eken, tolqytyp ala jóneledi. Bálkim siz buryn olaı tolqyp ta kórmedińiz? Al eleńdegen qulaǵy aınaladaǵy ártúrli qubylysty ańdatqysh sezim núktesi sekildi... Muny áride tamyrynan tartyp jetkizýshi Asqar Súleımenov bolsa, beride aqyn Ǵalym Jaılybaıdyń óleńderinen ańǵaramyz.
Qoǵam • 30 Jeltoqsan, 2022
Bala deıtin aıaýly uǵymnyń aýqymyn qalaǵansha keńeıtip sıpattaı berýge bolady. Biraq ómirdiń ózindeı qarapaıym túsinikke salsaq, bala – adam úshin de, qoǵam úshin de úlken jaýapkershilik. Munyń búginimiz ben bolashaǵymyz úshin mańyzy óte zor. Bıyl osy jaýapkershilikti sezindire túsetin serpindi bastamalar qolǵa alynyp, Balalar jyly jaqsylyqtyń jarshysy boldy deýge tolyq negiz bar.
Oqıǵa • 30 Jeltoqsan, 2022
Dınara – álemniń vıse-chempıony
Almatyda ótip jatqan shahmattan álem chempıonatynda Dınara Sádýaqasova jyldam shahmattan (rapıd) dúnıejúzilik dodanyń kúmis júldegeri atandy. Jerlesimiz ben qytaılyq Tan Chjýnı 11 týrdan keıin 8,5 upaı jınap, altyn jáne kúmis júldeniń ıegerin anyqtaý úshin taı-breıkte sheberlik baıqasty. Tek qosymsha oıynda sál ǵana basymdyq tanytqan Tan Chjýnı bas júldeni jeńip aldy.
Qarjy • 30 Jeltoqsan, 2022
Sońǵy bir jylymyzǵa kóz jiberip, kóńil toqtatsaq, sózdik qorymyzdyń reıtıngi shamamen bylaı túziler edi – qańtar, bıznes, Ýkraına, KTK, bank, kredıt, ınflıasııa, bazalyq stavka, relokasııa, mobılızasııa, IPO. Jyl qańtar qasiretimen bastaldy, ile-shala Reseı Ýkraınaǵa basyp kirdi, bul Qazaqstan ekonomıkasyna alapat kesirin tıgizdi. Saldarynan ınflıasııa sharyqtady, bank nesıeleri qymbattaı tústi. Bazalyq stavka birneshe ret kóterildi. Qazaq munaıynyń 90 paıyzǵa jýyq kólemin eksporttap otyrǵan Kaspıı qubyr konsorsıýmy (KTK) álsin-álsin jumysyn toqtatty. Qazaqstan balama eksport marshrýtyn izdeýge belsene kiristi... Odan beri Reseıde ishinara mobılızasııa bastalyp, RF azamattary Qazaqstanǵa aǵyldy. Úkimet Prezıdent tapsyrmasymen Reseıden ketip jatqan kompanııalar relokasııasyn júzege asyrýǵa kiristi. Odan beri de halyqtyń nesıe tutqynyna túskeni kóp aıtyldy. Jeltoqsanda «QazMunaıGaz» IPO-sy ótkizildi. Strestik aktıvter máselesi men jeke tulǵalar bankrottyǵynyń aý-jaıy keler jyldyń basynda tolyq belgili bolmaq. Mine, jyldyń qysqasha qarjy-ekonomıkalyq kartınasy osyndaı.
