Grekııa parlamenti defolttyq jaǵdaıdan shyǵarý úshin el qajetine jaratylatyn qarajatty 28 mlrd. eýroǵa qysqartý máselesin qaraýda. О́ıtpegen kúnde, Halyqaralyq valıýta qory kezekti beriletin 12 mlrd. dollar transhty Grekııaǵa jibermeımiz dep otyr. Jalpy HVQ-nyń bul elge bólgen qarajaty 110 mlrd. eýrony quraıdy. Alaıda, Parlamenttiń bul sheshimi halyq úshin ońaıǵa túspeıtin syńaıly. Salyq mólsheri ulǵaıyp, 150 myńnan astam memlekettik qyzmetshi qysqartýǵa ushyrap, tipti qoǵamdyq kólikterdi paıdalaný da qymbattaı túspek. Bul degenimiz–naǵyz «Jyǵylǵanǵa judyryq». Sebebi, qazirgi kúnniń ózinde grek jurtshylyǵy kúnbe-kún kóshelerge shyǵyp, úkimet jumysyna narazylyqtaryn bildirip jatyr. Kóshelerde tártip saqshylarymen arada qaqtyǵystar bolyp, jaraqat alǵandar da bar. Birneshe kún boıyna elde medısına qyzmetkerleri, jýrnalıster, memlekettik qyzmetshiler, bankırler ereýilge shyǵyp, áýe dıspecherleri jumystaryn 4 saǵatqa toqtatty. Osynyń áserinen tek bir ǵana Aegean Airlines áýe kompanııasy 31 reıstiń toqtatylǵanyn, 82-siniń ushý ýaqytynyń shegerilgenin málimdegen. Bul–onsyz da qınalyp jatqan el ekonomıkasyna az salmaq emes. Demek, týrıstik bıznesten el qorjynyna túser paıda da azaıady. Qarý kóterilisshiler qolyna tústi Kóterilisshiler taýly aımaqta ornalasqan Zıntan qalasynan 25 shaqyrymdaǵy Kaddafıdiń jer astyndaǵy áskerı qoımasyn basyp alǵan. Endi olardyń qolynda zymyrandar, zeńbirekter jáne basqa da qarý túrleri bar. NATO-nyń kómegine súıengen kóterilisshiler áskerı baza mańyn áýeden birneshe kún boıyna bombalap, Kaddafı áskerin qaýsyryp baryp qolǵa túsirgen qarýymen Trıpolıge 50 shaqyrymdaıǵa taıanyp qaldy. Ulybrıtanııa bastaǵan birqatar elder Kaddafı bılikten ketken soń, qarýly qaqtyǵys toqtaǵanda jasalatyn isterdiń «Jol kartasyn» jasap úlgergen. The Wall Street Journal málimetine súıensek, brıtan mınıstrleri bul joly Irak isinen sabaq alyp, eldegi tártipti qalpyna keltirýde Kaddafı polısııasy men áskerin qoldanbaq kórinedi. Al lıvııalyq kóterilisshilerdiń de óz josparlary barǵa uqsaıdy. Ulttyq ótpeli keńestiń aǵa laýazymdaǵy múshesi Fathı Badjanyń aıtýynsha, Kaddafı bılikten ketkennen keıin elde Ulttyq Kongress qurylatyn kórinedi. Ol eldegi Ýaqytsha úkimetti jasaqtap, konstıtýsııanyń jobasyn jasaýmen jáne elde saılaý ótkizý jumystarymen aınalyspaq. Ahmadınejad bılikten ketýi múmkin Prezıdent saılaýynan keıin onyń qorytyndysyna qarsylyqtaryn bildirip, kóshege qansha halyq shyqsa da bıligin saqtap qalǵan Ahmadınejad ózi sengen keńesshisiniń sybaılastyq áreketiniń saldarynan qolyndaǵy tizgininen aıyrylý qaýpi bar degen aqparat taraýda. Onyń Esfendıar Rahım Mashaı atty keńesshisi eki birdeı mınıstrdi qyzmetten ketýge májbúrlegen. Irandyq saıasatkerler qazirgi kúni bolashaq el prezıdenti kim bolady degen boljamdar jasaýda. Birazy syrtqy ister mınıstri Álı Ákbar Salehı bolady dep jobalaýda. О́tken aptada Rahım Mashaıdyń janyna eń jaqyn júrgen úsh adamy tutqyndaldy. Bul jaıynda Ahmadınejad esh túsinik bergen joq, dep jazady aqparat kózderi. Tuńǵysh ret áıel basshy keldi Halyqaralyq valıýta qorynyń tarıhynda tuńǵysh ret onyń basshylyǵyna áıel adam keldi. Ol – Fransııanyń burynǵy qarjy mınıstri Krıstın Lagart. Jáne bir ǵajaby – Lagart hanym kásibı ekonomıst emes kórinedi. Alaıda isker áıel úshin bul qarjy mınıstriniń portfelin de, HVQ-nyń basshysy qyzmetin atqarýyna da kedergi bolmaı shyqty. Endi 55 jastaǵy kásibı zańger, sheber dıplomat Lagart hanym Grekııadaǵy ekonomıkalyq qıyndyqtardy sheshýmen qatar, óziniń aldynda bolǵan tóraǵa Domınık Stross-Kannyń áıel zorlady degen aıyp taǵylýyna baılanysty vedomstvo ishindegi daýlardy sheshýine týra keledi. Tabıǵat minezinen tóngen qaýip AQSh-tyń ońtústigindegi Los-Alamos aımaǵyndaǵy ormandardaǵy qaýlaǵan órt pen Mıssýrı ózeniniń arnasynan shyǵyp ketýi «Fort Kalhýn» atom stansasyna qaýip tóndirýde dep jazady Tageszeitung. Alaıda, Iаdrolyq retteý komıssııanyń jetekshisi Gregorı Iаsko «Asa tónip turǵan qater joq, ıadrolyq materıal qaýipsiz jerde saqtalýda» degen málimdeme jasady. Degenmen, Los-Alamos turǵyndaryn órt sóndirý qyzmeti qaýipsiz jerlerge kóshiripti. Neapolge aıyp salynýy múmkin Eýroodaq Neapol qalasynyń kóshelerin qoqys basyp ketýine baılanysty aıyp salamyz deıdi. Bul jaıynda Eýrokomıssar Iаnez Potonchık málimdegen. «Eger jaǵdaı budan ári jóndelmese, Italııa qarjylyq kómek almaq túgil, aıyp tóleıtin bolady. Men Neapoldegi jaǵdaıdy qadaǵalap otyrmyn. Ádeıilep Neapolden ázirlengen telehabarlardy kóremin. Qala tazalyǵy burynǵysynan da jaman kúıde», – deıdi komıssar.
Internet materıaldary negizinde ázirlendi.