Shákirtaqy ıegerleri bas qosty

Burnaǵy kúni «Dýman» qonaq úı­inde «KAZENERGY» Aǵartý­shy­lyq baǵdar­lamasy stıpen­dı­at­­tary­nyń jıyny ótti. Dástúr boı­ynsha, Aǵartýshylyq baǵdar­la­ma­nyń úz­dik túlekterimen «KAZ­EN­ER­GY» Qaý­ymdastyǵynyń tór­aǵasy Tı­mýr Qulybaev kezdesip, atalmysh baǵdar­la­manyń túlekte­riniń eldiń munaı-gaz salasyn da­mytýǵa eleýli úles qosa bererine senimin bildirdi. «Sońǵy bes jyl ishinde «KAZ­EN­ERGY» Aǵartýshylyq baǵdar­la­masynyń aıasynda 500 jas ma­mandyq alyp shyqty, solardyń birazyn búgin osy jerden kórip turmyn. Osy ýaqyt aralyǵynda Qaýymdastyqtyń Jastar komıteti qury­lyp, komıtet halyqaralyq arenada ózin kórsete bildi. Tipti, bizdiń bir túlegimiz qazir Dúnıe­júzilik Munaı Keńesiniń Jastar Komıtetine múshe. Qazir biz bakalavr dárejesine bilim alyp jatqan jastardy ǵana emes, ma­gıstranttardy da qoldap otyrmyz. Iаǵnı, bilim berý úrdi­si­niń mańyzdy satylaryn túgel qam­tydyq. Al, jas mamandar bilim ordasynda alǵan tálim-tár­bıesin memle­kettiń ıgiligine ja­ra­týy úshin Qaýym­dastyq olar­dyń jumysqa ornalasýyna da qolǵabys etedi», – dedi Tımýr Qu­lybaev. «KAZENERGY» qaýymdas­ty­ǵy­nyń Aǵartýshylyq baǵdarla­ma­syn júzege asyryp otyrǵanyna bes jyldyń júzi bolypty. Bul baǵdarlama Bilim berý já­ne maman daıarlaý jónindegi Úılestirý Keńesiniń sheshimimen bilikti mamandar daıarlaý máselelerin sheshý úshin, da­ryn­dy jastardy birlesken jobalarǵa tartýda jáne «KAZENERGY» shákirtaqysy ıe­ger­leri-túlekteri arasynan mamandar rezervin qalyptastyrý úshin qaýym­das­tyqqa múshelik ete­tin kompanııalardyń kúshteri men múmkindikterin biriktirý maq­satynda qurylǵan. Ábdirahman QYDYRBEK, Astana.