Maqsat – kásipkerlikti qoldaý

«Nur Otan» halyqtyq-demokratııalyq par­tııasy memlekettiń ekonomıkalyq saıasaty­nyń basym baǵyttarynyń biri – kásip­ker­likti qar­qyndy damytýdy qoldaıdy. Jáne de Qazaq­stan halqyna 2011 jylǵy Jol­daý­ynda jáne «Nur Otan» HDP-nyń HIII se­zinde Memleket basshysy, partııa Tóraǵasy Nursultan Nazarbaev bergen tapsyrma­lar­dy oryndaı otyryp, shaǵyn jáne orta bıznesti qoldaý jónindegi keń aýqymdy is-sharalardy júrgizýde. Nurotandyqtar kásipkerlikti damytý jó­nindegi basty memlekettik baǵdarla­malar­dyń iske asyrylýyn turaqty túrde baqy­lap, memlekettik organdarmen birlese «Bız­nestiń jol kartasy – 2020» baǵdarlamasyna qatysý máseleleri boıynsha azamattardy qabyldaý kúnin únemi ótkizip otyrady. Partııa alańynda bıznestiń ákimshilik kedergilerin azaıtý máseleleri jıi qaras­ty­rylady. Sonymen qatar, «Nur Otan» par­tııasy Úkimet ázirlegen kásipkerlik sala­syn­daǵy onsha aýyr emes jáne ortasha aýyr ekonomıkalyq qylmystar úshin qylmystyq jaýapkershilikti lıberalızasııalaýǵa arnal­ǵan zań jobasynyń keń aýqymdy talqylaý jumysyn uıymdastyrdy. Búginde Pavlodar oblysynda nurotandyq depýtattardyń bas­tamasymen qazaqstandyqtardy, sonyń ishinde aýyl turǵyndaryn da bıznespen aına­lysýǵa jappaı tartýǵa baǵyttalǵan «Erteń­iń úshin aıanba» baǵdarlamasy qanatqaqty rejimde iske asyrylyp jatyr. Shaǵyn jáne orta kásipkerlikti qoldaý jó­nindegi basqa da sharalardy qarastyrý maq­sa­tynda nurotandyqtar «Shaǵyn jáne orta bıznesti damytýdaǵy júıe quraýshy kásip­oryn­dardyń róli» taqyrybyndaǵy «dóń­gelek ústeldi» ótkizýdi usyndy. Oty­rys «Nur Otan» partııasynyń Ortalyq appa­ratynda ótti. Qazirgi kezde Elbasy tapsyrmasy boıyn­sha Úkimet elimizdiń iri kásiporyndarynda qazaq­standyq úlesti arttyrý jóninde keń aýqymdy jumys júrgizip otyr. Al júıe quraýshy kásiporyndardyń ózi de jergilikti úlesti arttyra alady, ıaǵnı taýarlar men qyzmetterdi jergilikti kásipkerlerden sa­typ ala alady. Shaǵyn jáne orta bıznesti damytýdaǵy júıe quraýshy kásip­oryn­dar­dyń dál osyndaı róli týraly dóńgelek ús­telge qatysýshylar, ıaǵnı Úkimet músheleri, Parlament depýtattary, elimizdiń iri kásip­oryndarynyń jetekshileri pikir almasty. «Dóńgelek ústel» barysynda qazaq­stan­dyq ekonomıkanyń kóshbasshylary men jergilikti bıznes qaýymdastyǵymen ózara árip­testiginiń túrleri qarastyrylyp, sondaı-aq memlekettik damý baǵdarlamalarynyń sheń­berindegi bız­nes-bastamalarǵa keshendi memlekettik qoldaý kórsetý múmkindikteri tal­qylandy. Mysal retinde Jezqazǵan, Balqash, Sát­baev qalalarynyń basty júıe quraýshy kásiporny – «Qazaqmys» korporasııasynyń tájirıbesi qarastyryldy. «Qazaqmys» jergilikti kásip­ker­lerdi qoldaýdyń ártúrli formalaryn qol­danady: aımaqtyń shaǵyn jáne orta kás­ip­oryndaryna korporasııanyń negizgi ónimi jetkizilip, sondaı-aq ınvestısııalar bólinip, olar­dyń ónimi satyp aly­na­dy. Sonymen qa­tar, jergilikti kásipker­lik­tiń mamandandy­ryl­ǵan merdigerlerine korpo­ra­sııaǵa qajetti taýarlar, ju­­mystar men qyzmetterge usynystar beriledi. «Nur Otan» partııasy osy tájirıbeni jan-jaqty zertteı otyryp, Qazaqstannyń basqa aımaqtaryndaǵy iri kásiporyndar men memlekettik organdarynyń qatysýymen engizýdi josparlap otyr. Osyǵan oraı jýyq arada kásipkerliktiń odan ári turaqty da­mýy­na jaǵdaı jasaýǵa baǵyttalǵan arnaıy partııa baǵdarlamasy ázirlenedi. Dóńgelek ústel barysynda sóılegen só­zinde partııa Tóraǵasynyń birinshi orynba­sary Nurlan Nyǵmatýlın: «Búgin Elba­symyz, partııamyzdyń Tóraǵasy Nursultan Ábishuly Nazarbaevtyń arnaıy tapsyrmasy boıynsha «Nur Otan» halyqtyq-demo­kra­tııalyq partııa­sy kásipkerlikti turaqty da­my­týǵa arnalǵan jańa baǵdarlama daı­yn­daýdy qolǵa alady. Bizdiń basty maqsa­ty­myz – elimizdiń barlyq aımaqtarynda ornalasqan iri óndiristik ká­siporyndarynyń shaǵyn jáne orta bızneske jan-jaqty qoldaý kórsetýi», – dedi. Otyrysta Úkimet pen Parlamentke jiberiletin jergilikti shaǵyn jáne orta kásip­kerlik­tiń damýyna qolaıly jaǵdaı jasaý jónindegi naqty usynystar ázirlendi. Al iri jáne sha­ǵyn kásip­oryndardyń basshylary osy sha­ra­lardyń ná­tıjesi naqty qalaǵa ne bolmasa naqty aımaqqa oń áserin tıgizetinine senimdi. «Egemen-aqparat»