Keshe Parlament Senatynda joǵary palata Tóraǵasy Qaırat Mámı men Islam Yntymaqtastyǵy Uıymynyń Syrtqy ister mınıstrleri 38-keńesiniń jumysyna qatysý úshin Astanaǵa kelgen Eýropa Keńesi Parlamenttik Assambleıasynyń tóraǵasy Mevlıýt Chavýshoǵlynyń kezdesýi boldy, dep habarlady Parlament Senatynyń baspasóz qyzmeti.
Q.Mámı ózara parlamentaralyq yntymaqtastyq týraly kelisimge qol qoıylǵan kezden bastap ózara is-qımyl tolyq túsinistik pen senim negizinde damyp kele jatqanyn atap ótti.
«Biz EKPA-ny mańyzdy saıası áriptes qarastyramyz jáne budan bylaı syndarly yntymaqtastyqty damytýǵa múddelimiz», dedi Tóraǵa.
Q.Mámı sondaı-aq Qazaqstan men Eýropa Keńesi arasyndaǵy saıası únqatysýdy odan ári nyǵaıtýda parlamentaralyq baılanystardyń mańyzdylyǵyn atap ótti.
M.Chavýshoǵly Qazaqstannyń Islam Yntymaqtastyǵy Uıymyna tóraǵalyq etýimen quttyqtady jáne «Prezıdent N.Nazarbaevtyń eýropalyq jáne azııalyq yqpaldastyq týraly bastamalary IYU aıasynda tabysty ilgerileıtin bolady», dep senim bildirdi.