...3 nysan iske qosyldy
Údemeli ındýstrııalyq-ınnovasııalyq damý baǵdarlamasy boıynsha bıyl óndiristi óńirde jańadan ashylatyn nysandar az emes. Búginde solardyń aldy qatarǵa qosylyp ta jatyr. Sonyń ishinde úsheýi jumysqa kirisip ketti. Bular plastıkalyq shólmekter, jylýdy saqtaıtyn arnaıy qurylys materıaldaryn jáne jolǵa tóseletin qıyrshyq tas daıyndaıtyn zaýyttar. Jylyna 23 mıllıon shólmek shyǵaratyn kásiporyn bul buıymǵa suranysty qanaǵattandyra alsa, qalǵan ekeýiniń de ónimderi ótimdi bolǵaly tur.
Aıqyn NESIPBAI, Qaraǵandy.
...jeke balabaqsha ashyldy
Oblys ortalyǵynda «Balapan» baǵdarlamasynyń aıasynda ashylǵan jeke menshiktegi balabaqsha «Ken jáne Barbı» dep atalady.
Eki qabatty balabaqshanyń búldirshinder demalatyn, jýynatyn jáne as ishetin bólmeleri barlyq sanıtarlyq talaptarǵa saı jaraqtandyrylǵan. Jeke menshiktegi mektepke deıingi balalar mekemesi 80 balany qabyldaıdy. Balabaqsha ǵımaratynyń qurylysyna 90 mıllıon teńge qarjy jumsalǵan. Sondaı-aq, balabaqshada joǵary sanatty pedıatr dárigerler men psıholog mamandar jumys isteıdi. Bul qaladaǵy altynshy jeke balabaqsha. Al bıyl Jańaqonys jáne Ońtústik batys aýdandarynda 150 oryndyq balabaqshanyń qurylysy bastalady. Qalalyq bilim bólimi bastyǵynyń mindetin atqarýshy Lázzat Orazbaevanyń aıtýynsha, qazirgi tańda qalada 15 myń búldirshin balabaqsha kezeginde tur.
Satybaldy SÁÝIRBAI, Aqtóbe oblysy.
...baєdarlama – bank salymshylaryna
«Qazaqstannyń Turǵyn úı-qurylys jınaq banki» AQ Batys Qazaqstan oblystyq fılıaly jańa baǵdarlamany iske asyrýǵa kiristi. Soǵan sáıkes bıyl Oral qalasyndaǵy Astana shaǵyn aýdanynda bes qabatty 90 páterlik alǵashqy úı paıdalanýǵa berilmek. Bul úı atalǵan banktiń buǵan deıingi salymshylaryna arnalǵan. Olar ony bes paıyzdyq jeńildikpen alýlaryna múmkindikteri bar.
Al qarajat jınaýdy jańadan bastaǵandar jańadan bastaǵandarmen bolashaq salymshylar úshin on-on eki paıyzdyq kólem belgilengen. Eger olar keıingi salynatyn úılerge qujat tapsyrsa joǵaryda aıtylǵan 5 paıyzdyq jeńildik saqtalmaq. Atalǵan jańa bank baǵdarlamasy boıynsha tamyz aıynda oblys ortalyǵynda taǵy da 90 páterlik úsh úıdiń qurylysy bastalmaq. Gazet tilshisine fılıal dırektory Qýanyshbek Hamzın osylaı dep málimdedi.
Temir QUSAIYN, Oral.
Jýrnalıster arasyndaǵy baıqaý
О́ńir basshysy Serik Bilálov El Táýelsizdiginiń 20 jyldyǵyna arnap buqaralyq aqparat quraldary ókilderi arasynda báıge jarııalady. Ol «Soltústik Qazaqstan oblysy Táýelsizdik jyldarynda» dep atalady. Jeńimpazdar «Merzimdik basylymdardaǵy úzdik maqala», «Úzdik veb-saıt», «Teledıdardaǵy úzdik sıýjet, baǵdarlama», «Rejısser, beıneoperator, montajshynyń úzdik jumysy» nomınasııalary boıynsha marapattalady. Ár syıaqynyń mólsheri 250 myń teńge bolyp belgilendi.
Konkýrs qorytyndysy jyl aıaǵynda shyǵarylady.
О́mir ESQALI, Soltústik Qazaqstan oblysy.