Sheshýshi kezeń

Osy kúnderi «Shyǵys» óńirlik qolbas­shy­ly­ǵynyń áskerı polıgonynda Qazaqstan men Reseı Qarýly Kúshteri qatysatyn «Shyǵys – 2011» birlesken jedel-taktıkalyq komanda­lyq-shtabtyq oqý-jattyǵýlarynyń sheshýshi ke­zeńi ótýde. Buǵan deıin Qazaqstannyń ár túrli polı­gon­darynda ótken komandalyq-shtabtyq jáne tak­tıka­lyq-arnaıy oqý-jattyǵýlaryna «Shy­ǵys», «Oń­tústik», «Astana» óńirlik qolbas­shy­lyqtarynyń, Áýe qorǵanysy kúshteriniń qu­ramalary men bó­limderi, Aeroutqyr ásker­leriniń desantty-shabýyldaýshy bólimsheleri qatysty. Al «Shyǵys – 2011» jattyǵýlarynyń sheńberinde «Qyzylaǵash» polıgonynda ótken Qa­zaqstan Áýe qorǵanysy kúshteri men Reseı Áskerı áýe kúshteri «Áýe kúshteri – 2011» birlesken jattyǵýlarynda eki el áskerı áýe kúshteriniń basshylyǵy men ushqyshtary birlese qymyldaý arqyly jaqsy tájirıbe jınaqtaı aldy. Qazirgi tańda desantty-shabýyldaýshy bólim­she­ler eń utqyr jáne barynsha daıyndalǵan bólimshe bolyp tabylady. Az quramda, zamanaýı qarý-ja­raqtarmen jaraqtalǵan desantshylar tapsyr­ma­lar­dy qysqa merzimde oryndaýǵa qabiletti. Qazaqstan men Reseıdiń bólimsheleri UQShU Jedel qımyl­daıtyn ujymdyq kúshteriniń quramyna kiretini belgili. Olar úshin mundaı jattyǵýlardyń tapsyr­malaryn oryndaý UQShU Jedel qımyldaıtyn ujymdyq kúshteriniń is-qımyly sheńberindegi tapsyrmalarmen ushtasyp jatyr. Keshe «Shyǵys» polıgonynda oqý-jattyǵýdyń maz­munyna saı jaýyngerlik is-qımyldar ótkizildi. Qa­zaq­stan jáne Reseı Qarýly Kúshteri ókilderinen quralǵan koalısııalyq top shartty áskerı qaqtyǵys oryn alǵan aýmaqtaǵy jaǵdaıdy turaq­tan­dyrýǵa arnalǵan operasııalardy birlesip júrgizdi. Jattyǵýlarǵa barlyǵy 3500-den astam áskerı qyzmetshi qatysýda. 500-den asa avtomobıldi jáne brondy tehnıka tartylǵan. Olar – jaıaý áskerdiń jaýyngerlik mashı­na­lary, T-74 tanki, brondy transporterler. «Grad», «Gıasınt», «Msta», «Gvozdıka» syn­dy artılle­rııalyq qondyrǵylar da óz po­zısııalarynan artıllerııalyq soqqy berdi. Jattyǵýlarǵa Qazaqstan men Reseıden otyz­dan astam avıatehnıka qatystyryldy. Olar­dyń qatarynda Sý-27, Sý-24, Tý-22, Il-76 ushaq­tary men Mı-24, Mı-17, Mı-8MT tikushaqtary bar. Áskerlerdi basqarý negizi baılanys bolyp tabylatyny belgili. Jattyǵý barysynda Qazaqstan jaǵy dalalyq jaǵdaıda spýtnıktik baılanys orna­typ, ınternet jelisin qosty. Dalalyq jaýyngerlik basqarý ortalyǵyndaǵy baıandaýlar men tyńdaýlar zamanaýı beınekonferensııa jelisin qoldaný ar­qyly júzege asty. Jattyǵý qorytyndysy boıynsha Qazaqstan men Reseıdiń áskerı basshylyǵy jattyǵýlardyń basty maqsaty – basqarý organdarynyń ózara is-qımyly sátti oryndaldy dep sheshti. Komandırler men shtab­tar arnaıy operasııalar júrgizýge tájirıbe jınaqtasa, áskerler ózderiniń dalalyq bilikterin jetildirdi. Sonymen qatar, eki eldiń ásker­ba­sy­laryna áskerlerdiń koalısııalyq toptaryn qurý, ony jasaqtaý jáne qoldaný máselelerin zertteýge qosymsha múmkindik týdy. Dına MÝHARINOVA, Qorǵanys mınıstrligi baspasóz qyzmetiniń ókili.