Elektrondyq pishindegi saraptaý jónindegi jumystardy endi onlaın-rejim arqyly baqylaýǵa bolady

«Gosekspertıza» RMK-da saraptaý jumystarynyń barysyn elektrondyq aqparattyq júıe boıynsha baqylaý júıesiniń tusaýkeseri bolyp ótti. Saraptaý jumysynyń bary­syn elektrondyq-aqparattyq júıe boıynsha júrgizý memlekettik saraptaý úderisteriniń ashyqtyǵyn jáne móldirligin, onyń qorytyn­dylarynyń halyqqa jetkizilýin qamtamasyz etedi. Bul júıe bas ofıstegi aqparattyq jumystyń barysyn ǵana jarııalap qoı­maı­dy, sonymen birge, kásiporynnyń barlyq óńirlik bólimshelerinde at­qarylyp jatqan jumystyń barysyn kórsetedi. Memlekettik saraptaý júıesine túsken barlyq jobalaý smetalyq qujattary jedel túrde RMK-nyń www.gosexpertiza.kz saıtyna túsip otyrady. Osynyń arqasynda ınvestorlar, bıýdjettik baǵdarlama­lardyń ákimshileri, tapsyrma berýshiler men jobalaýshylar kez kelgen ýaqytta Qazaqstannyń qaı óńirinde bolmasyn tipti, álemniń qaı núktesinde bolmasyn ózderi­niń jobalary jónindegi memlekettik saraptaýdyń qalaı júrip jatqandyǵy týraly habardar bola alady. Búginde osy saıtta iri jobalar boıynsha derekter bar. Negizinen jalpy quny 500 mıllıon teńge bolatyn jobalar ornalas­ty­rylǵan. Ústimizdegi jyldyń aıaǵyna deıin saraptaýǵa túsken barlyq jobalyq smetalyq qu­jattar elektrondyq aqparat júıe­­sine qosylady. Sonymen birge, osy saıtta jobalardyń muraǵaty ornalastyrylady. Saıt qoldaný­shylary ınteraktıvtik rejimde ózderin tolǵandyratyn másele­lerdi nemese suraqtardy jol­daýǵa bolady. –  Biryńǵaı júıe qoldaný tásili saraptaý barysyna jan-jaqty baqylaý jasaýǵa múmkindik beredi, – deıdi «Gosekspertıza» RMK-nyń bas dırektory Birlik Erejepov. – Sonymen birge, bul júıe bizdiń qyzmetkerlerimizdiń jáne jobalaý uıymdarynyń jaýapkershiligin arttyrady. Qolda­nystaǵy tártip boıynsha óńirler­den túsetin jobalaý smetalyq qujattar 45 kún ishinde, al tehnıkalyq saraptaý 60 kún ishinde memlekettik saraptaýdan ótýge tıis. Qazir bul merzimdi qysqartý maqsatyndaǵy jumystar júrgizi­lip jatyr. Respýblıkamyzdyń qurylys jáne turǵyn úı-kommýnaldyq sha­rýashylyǵy agenttigi tóraǵa­synyń orynbasary Jandos Ákim­janovtyń aıtýynsha, búginde Qazaqstanda kóptegen jobalaý uıymdary jumys isteıdi. Alaıda, olardyń atqaratyn jumysy­nyń sapasy kóńildegideı emes. Kóp rette saraptaýǵa jiberilgen jobalar memlekettik saraptaýdan ótý úshin uzaq merzim boıy jatyp qalady. – Biz bul rette tapsyrma be­rýshilerdiń jaýapkershiligin tó­mendetpeý jóninde másele qoıyp otyrmyz, osy usynysymyzdy depýtattar da qoldaıdy dep senemiz, – deıdi J.Ákimjanov. Agenttik tóraǵasynyń aıtýy boıynsha, bizde búginde kóptegen jobalaý uıymdary jumys isteıdi. Olar­dyń jumysyna jan-jaqty baqy­laý qoıý kerek-aq. Saraptaý jumysynyń elek­trondyq pishininiń tusaýkeserinde sóılegen Parlament Májilisiniń depýtaty Sansyzbaı Esilov bul elektrondyq júıeniń sybaılas jemqorlyqqa qarsy ıgi yqpaly bar ekendigin atap kórsetti. Osy basqosý barysynda 2010 jyldan beri «Gosekspertıza» RMK-nyń jumysyndaǵy memlekettik saraptaý jumysy biryńǵaı elektron­dyq júıe boıynsha júzege asy­rylatyndyǵy atap kórsetildi. Jalpy alǵanda «Goseks­per­tıza» RMK jyl basynan beri qurylys salasyndaǵy 3665 sme­talyq jobalaý jumysyn qaraǵan. Bul 2010 jyldyń sáıkes merzimimen salystyrǵanda 97 paıyzdy quraıdy. Saraptaý barysynda 3577 joba memlekettik saraptaýdan ótip, qalǵandary qaıta jetildirý satysyna jiberildi. Memlekettik saraptaý organdarynyń usynys-eskertpelerin júzege asy­rý barysynda qaıtadan ja­sal­ǵan jobalaý qujattary qury­lys jobalary boıynsha smetalyq qarjynyń 339 mıllıard teńgesin únemdeýge múmkindik berdi. Al­daǵy ýaqytta memlekettik saraptaý jumystary elektrondyq aq­parattyq júıe arqyly júr­gizilip, ekonomıkamyz úshin ıgi nátıjesin beretindigi daýsyz. Rysty ÁLIBEKOVA.