«Manon Lesko» – Elordada

Jaqynda K.Baıseıitova atyn­da­ǵy opera jáne balet teatrynda ata­q­­ty ıtalıan kompozıtory Dj. Pých­chınıdiń dúnıe júzine áıgili «Manon Lesko» operasynyń prem­e­rasy  boldy. Oǵan Mádenıet mınıstri Muhtar Qul-Muhammed qatysty. Eki kún boıy ónersúıer qaý­ym­dy erekshe tánti etken bul týyndy abbat Prevonyń «De Grıe men Manon Lesko kavaleriniń tarıhy» at­ty romanynyń jelisinde jazylǵan. Syn saǵattary kelgende eki jastyń adal ári pák sezimderi qalaı syna­latynyn, sondaı-aq eń sońynda barlyq qıyndyqtarǵa mahabbat degen uly sezimniń tóreshilik etetinin kórsetetin bul qoıylymda negizgi beınelerdi Qazaqstan, Reseı, Italııa ártisteri somdady. Dj.Pých­chı­nı­diń týyndysy úsh bólimnen tu­rady. Olar: «Alǵashqy mahabbat», «Altyn tor» jáne «Alastaý» dep ataldy. Atalǵan operanyń qoıýshy-re­jısseri – Reseıdiń eńbek sińirgen óner qaıratkeri, Qazaqstan Memlekettik syılyǵynyń laýreaty, «Dostyq» ordeniniń ıegeri Iýrıı Aleksandrov (Sankt-Peterbýrg). Iýrıı Aleksandrovtyń esimi osy­ǵan deıin bizge elordada Pýchchı­nı­diń «Toska», «Madam Batterflıaı» syndy operalaryn sahnaǵa shyǵar­ǵanymen belgili. «Manon Lesko» operasy «Toska» jáne «Bogema» operalary sekildi Dj.Pýchchınıdiń súbeli eńbekteriniń qataryna jata­dy. Osy  týyndylardy jazǵanda áı­gili kompozıtordyń mýzykalyq dramada erekshe ashyla túsken kezi edi.  Sóz etip otyrǵan operanyń eń alǵashqy qoıylymy 1893 jyldyń 1 aqpanynda Týrın qalasynda ótken eken. Astanadaǵy «Manon Leskonyń» qoıýshy-dırıjeri – Qazaqstannyń eńbek sińirgen óner qaıratkeri Abzal Muhıtdınov. Qoıýshy-sýretshisi – Reseıdiń eńbek sińirgen sýretshisi, «Dostyq» ordeniniń ıegeri Vıacheslav Okýnev. Al qoıýshy-balet­meıs­teri – Qazaqstannyń eńbek sińirgen óner qaıratkeri Tursynbek Nurqalıev. Vokal boıynsha konsýltant qyzmetin Tbılısı kon­ser­vatorııasynyń professory,  Ita­lııa­nyń Ozımo qalasyndaǵy opera óneriniń halyqaralyq akademııa­synyń dosenti Alla Sımponıshvılı sátti oryndap shyqty. Operanyń qoıýshy-rejısseri Iýrıı Aleksandrov bul operany Astanada qoıý jónindegi usynysty Mádenıet mınıstri M. Qul-Mu­ham­med jasaǵandyǵyn atap ótti. Son­daı-aq premerany daıyndaýǵa bir aıdan astam ýaqyt ketipti. Re­jıs­serdiń sózine qaraǵanda, «Manon Lesko» arqyly elimizge zamanaýı baǵyttaǵy opera qoıylymyn ákelý eken. «Operanyń taqyryby búgin óte ózekti dep sanaımyn. Sebebi, qa­zirgi ýaqytta áıel men erkek ara­syndaǵy sezim tym qara­paı­ym­da­nyp  ketken. Burynǵydaı áıel men erkek arasynda bolatyn máńgilik únqatysýǵa jan-tánimen berilgen jyly qarym-qatynas jetpeı ja­ta­dy. Myna týyndy arqyly adamnyń mahabbat úshin ómirin qurbandyqqa shala alatynyn kóresiń. Bul adam­dyqtyń máńgilik ekenin aıǵaqtaýǵa baǵyttalyp otyr», – deıdi ol. Kúlásh Baıseıitova atyndaǵy opera jáne balet teatrynyń dırek­tory Tóleýbek Álpıev bolsa atal­ǵan qoıylym týraly: «Kórer­men­der­ge, ásirese, jastarǵa jaqyn bol­syn dep biz 18 ǵasyrdyń oqıǵasyn 21 ǵasyrǵa aýystyrdyq. Bul ope­ra­d­aǵy beınelerdi shyǵarý arqyly bizdiń jas ánshilerimiz de shyń­da­lady. О́zderiniń kásibı deńgeıin kóteredi. Sondyqtan bul opera biz­diń teatrda kóp jyldar boıy júre beretinine kámil senemin», – degen oıyn ortaǵa saldy. Araı ÚIRENIShBEKQYZY.