«Qazgıdromet» 2026 jylǵy 24 mamyrǵa arnalǵan Qazaqstan aýmaǵy boıynsha jalpy aýa raıy boljamyn jarııalady, dep habarlaıdy Egemen.kz
Sınoptıkterdiń boljamynsha, jeksenbi kúni Qazaqstannyń basym bóliginde aýa raıy qubylmaly bolady: jańbyr jaýyp, naızaǵaı oınaıdy. Eldiń shyǵysynda túnde jańbyr men qar túrindegi jaýyn-shashyn tússe, kúndiz nóser jańbyr kútiledi.
Sondaı-aq el aýmaǵynda túngi jáne tańǵy saǵattarda tuman boljanyp otyr.
Túnde Shyǵys Qazaqstan oblysynyń shyǵysynda jáne Jetisý oblysynyń taýly aýdandarynda 1 gradýsqa deıin úsik júredi.
Atyraý, Batys Qazaqstan, Aqtóbe oblystarynda, Ulytaý oblysynda, Mańǵystaý oblysynyń soltústigi, shyǵysy men ortalyǵynda, Qostanaı oblysynyń batysy, soltústik-shyǵysy, ońtústigi men ortalyǵynda, Aqmola oblysynyń batysy men ońtústiginde, Soltústik Qazaqstan oblysynyń batysy men shyǵysynda, Pavlodar oblysynyń ońtústiginde, Qaraǵandy oblysynyń batysy men shyǵysynda, Túrkistan oblysynyń soltústiginde, Qyzylorda oblysynyń batysy men ortalyǵynda, Jambyl oblysynyń soltústiginde, Almaty oblysynda, Shyǵys Qazaqstan oblysynyń ortalyǵynda, Abaı oblysynyń ońtústiginde, sondaı-aq Jetisý oblysynyń batysy, soltústigi, ońtústigi men ortalyǵynda órt qaýpi joǵary bolady.
Al Qyzylorda oblysynyń ońtústigi men soltústiginde, Mańǵystaý oblysynyń soltústik-shyǵysynda, Aqtóbe oblysynyń ońtústiginde, Qaraǵandy oblysynyń soltústigi men ońtústiginde, Pavlodar oblysynyń shyǵysynda, Jetisý oblysynyń shyǵysynda, Ulytaý oblysynyń shyǵysy, ońtústigi men ortalyǵynda, sondaı-aq Abaı oblysynyń shyǵysynda tótenshe órt qaýpi saqtalady.