Kásipqoı bokstan WBA, WBC jáne IBF aýyr salmaqtaǵy álem chempıony Aleksandr Ýsık ataqty gollandııalyq kıkboksshy Rıko Verhývenmen kezdesip, 11-shi raýndta tehnıkalyq nokaýtpen jeńiske jetti, dep habarlaıdy Egemen.kz
Bul jekpe-jek Ýsık úshin ońaı bolǵan joq. Toǵyz raýndqa deıin Verhýven upaı sanymen alda boldy. Nıderlandylyq sportshy chempıonǵa qarsy ádemi taktıka qoldanyp, jekpe-jekti baqylaýda ustap keldi. Alaıda 10-shy raýndtan keıin Ýsık boks tizginin óz qolyna aldy. Birinshi bolyp shabýyl jasap, qarqyndy údete bastady. Al 11 raýndta qarsylasyn noýkatqa jiberdi. Tóreshi esep ashty. Qulaǵannan keıin Verhývendi dáriger qarady. Aıqas qaıta jalǵasty. Osy sátte Ýsık múmkindikti jibermeı, qarsylasyn soqqynyń astyna aldy. Tóreshi arasha túsip, kezdesýdi toqtatty. Osylaısha Aleksandr Ýsık kásibı mansabyndaǵy 25-shi jeńisine qol jetkizip, WBC jáne The Ring chempıondyq belbeýlerin sátti qorǵady.
Al Rıko Verhývennyń kásibı bokstaǵy alǵashqy jeńilisi boldy.
Aıta keteıik, Mysyrdyń Gıza qalasynda ótken Ýsık pen Rıko arasyndaǵy jekpe-jekti tamashalýǵa World Boxing prezıdenti Gennadıı Golovkın arnaıy barǵan bolatyn.