Elordanyń qoǵamdyq densaýlyq saqtaý basqarmasy Astana qalasyndaǵy №1 balalar aýrýhanasynyń medbıkesinde (erte jastaǵy patologııa bólimi) ınfıltratıvti týberkýlez jaǵdaıyn rastady, dep habarlaıdy Egemen.kz
Qyzmetker sońǵy ret 24 sáýirde jumysta boldy. Qazir ol aýrýhanaǵa jatqyzyldy. Aqpan aıynda onyń flıýorografııasy taza boldy.
Vedomstvoda jaǵdaı baqylaýda ekenin aıtty: onymen baılanysta bolǵan barlyq balalar men áriptesteri tekseriledi (tekserilgen 39 qyzmetkerdiń nátıjesi teris). Aýrýhanada Úı-jaılar men tósek-oryndaryna tolyq dezınfeksııalaý júrgizilgen.