Fılıppınniń soltústigindegi Pampanga provınsııasyna qarasty Anheles qalasynda opyrylyp qulaǵan ǵımarat úıindileriniń astynda shamamen 30-40 jumysshy qalyp qoıýy múmkin, dep habarlaıdy Egemen.kz.
Málimetke sáıkes, salynyp jatqan 9 qabatty ǵımarattyń qulaýyna qolaısyz aýa raıy sebep bolǵan. Buǵan deıin jergilikti basylymdar qalada nóser jaýyn men qatty jel bolǵanyn habarlady.
Oqıǵa ornyna saldardy joıý úshin 100-den astam polısııa qyzmetkeri men basqa da memlekettik qyzmetkerler jumyldyryldy. Jergilikti polıseılerdiń biriniń aıtýynsha, osy ýaqytqa deıin úıindi astynan 26 adam qutqaryldy.
Izdeý-qutqarý operasııasy jalǵasyp jatyr, alaıda úıindi ortasyna jetý qıynǵa soǵyp otyr.
Aıta keteıik, Qytaıdaǵy kómir shahtasynda gaz jarylyp, 90 adam qaza tapty.