Fılıppın astanasy Manılanyń halqy tyǵyz qonystanǵan kedeı aýdandarynyń birinde órt shyqty. Júzdegen otbasy úılerin tastap qashýǵa májbúr boldy, dep habarlaıdy Egemen.kz.
Manila Bulletin basylymynyń málimetinshe, 1000-nan astam ǵımarat janyp ketken. Qaza tapqandar men zardap shekkender týraly ázirge aqparat jarııalanǵan joq.
Iri órt keshe tústen keıin Tondo aýdanyndaǵy turǵyn úı sektorynda bastalǵan. Bılik besinshi deńgeıli dabyl jarııalap, tez taralǵan jalyndy aýyzdyqtaýǵa tyrysqan.
Qostanaıda saıajaıdan órt shyqty
Oqıǵa ornynda órt sóndirýshiler Fılıppınniń Qyzyl Krest uıymymen birlesip jumys istep, órtti oqshaýlaýǵa jáne turǵyndardyń qaýipsizdigin qamtamasyz etýge kúsh saldy. Sonymen qatar jergilikti turǵyndar da shelekpen sý tasyp, alapat otpen kúresýge áreket jasaǵan. Keıbir otbasylar kóshede qalyp, úıindi astynan aman qalǵan zattaryn alyp shyǵýǵa tyrysty.
Manıla ákimshiligi áleýmettik qamsyzdandyrý jáne damý mınıstrligimen birge zardap shekken otbasylarǵa qarjylaı kómek pen qoldaý sharalaryn jarııalady.
Rýdnyıda kópqabatty úıden shyqqan órtten adamdar qutqaryldy
О́rt búgin tańerteń tolyq sóndirildi. О́rttiń shyǵý sebebi ázirge anyqtalǵan joq, al bılik keltirilgen shyǵyn kólemin anyqtap jatyr.