Qazaqstandyq tennısshi Aıym Qanaǵatova Albanııa astanasy Tıranada ótken ITF World Tennis Tour Juniors (J30 Tirana) halyqaralyq týrnıriniń jeńimpazy atandy, dep jazady Egemen.kz.
Qazaqstan tennıs federasııasynyń málimetinshe, bul básekede 18 jasqa deıingi sportshylar baq synaǵan.
«Jetisý» tennıs ortalyǵynyń 14 jasar tárbıelenýshisi jekeleı synda bas júldeni enshiledi. Sheshýshi matchta otandasymyz avstrııalyq Iýlııa Erenbergermen sheberlik baıqasty. Úsh setke sozylǵan tartysty fınal 6:4, 3:6, 6:1 esebimen aıaqtaldy. Nátıjesinde Aıym Qanaǵatova jeńiske jetti.
Bul trofeı jas sportshynyń kásibı karerasyndaǵy ITF Juniors serııasy boıynsha alǵashqy júldesi. Jarys barysynda ol tek ózinen jasy úlken ári tájirıbeli qarsylastardy qapy qaldyryp, jeńiske jetýi mańyzdy jetistik boldy.
Eske sala keteıik, Qazaqstan kórkem gımnastıkadan Azııa chempıonatynda kúmis júlde ıelendi.