Bıyl 1 maýsymnan bastap Reseı Federasııasynda EAEO elderinen avtomobıl kóligimen ákelinetin ónimderge qatysty Taýarlardy kútýdi rastaýdyń reseılik júıesin (TJAR) engizý josparlanyp otyr. Qazirgi ýaqytta júıe erikti negizde testilik rejımde jumys istep tur, dep habarlaıdy Egemen.kz.
Reseı tarapynyń málimetinshe, TJAR – taýar jetkizilimin aldyn ala rastaýǵa jáne ózara saýdanyń ashyqtyǵyn arttyrýǵa, taýar aınalymynyń zańdylyǵyn baqylaýǵa, sondaı-aq janama salyqtardy ákimshilendirýge baǵyttalǵan mehanızm.
Júıe qalaı jumys isteıdi?
TJAR aıasynda reseılik ımporttaýshy taýardyń aldaǵy jetkizilimi týraly qujatty aldyn ala rásimdeýi, kepildik tólem engizýi jáne jetkizilimniń zańdylyǵyn rastaıtyn QR-kod alýy tıis.
Qujat Reseı Federasııasynyń aýmaǵyna taýar kirgizilgenge deıin keminde eki kún buryn rásimdelýi qajet. Barlyq qajetti rásimderden keıin QR-kod qalyptastyrylady, ony baqylaýshy organdar tekseredi.
Júıe kimge qatysty qoldanylady:
ımporttaýshylarǵa; tasymaldaýshylarǵa; ekspedıtorlarǵa; deldaldarǵa; júk tasymalyn avtomobılmen júzege asyratyn júrgizýshilerge.Sonymen qatar TJAR jekelegen taýar sanattaryna qoldanylmaıdy, olardyń ishinde munaı jáne munaı ónimderi, elektr energııasy, jeke paıdalanýǵa arnalǵan taýarlar jáne tranzıttik júkter bar.
Bıznes neni eskerýi kerek?
Qazaqstandyq eksporttaýshylar men syrtqy ekonomıkalyq qyzmetke qatysýshylarǵa jańa talaptarmen aldyn ala tanysyp, Reseı Federasııasyna jetkizilimderdi josparlaý kezinde olardy eskerý usynylady.
Ásirese myna máselelerge nazar aýdarý qajet:
qujattardy ýaqytyly rásimdeýge; reseılik seriktestermen jáne ımporttaýshylarmen ózara is-qımylǵa; jańa rásimderdi eskere otyryp logıstıkalyq prosesterdi daıyndaýǵa; normatıvtik talaptardaǵy ózgeristerdi turaqty baqylaýǵa.Sondaı-aq aldyn ala rásimdelgen QR-kodtyń bolmaýy shekaradan ótý merzimine jáne logıstıkalyq prosesterge áser etýi múmkin ekenin eskerý mańyzdy.
«Atameken» TJAR máselesin bıznes ókilderimen talqylap jatyr
TJAR júıesin engizý máselesi «Atameken» UKP alańynda memlekettik organdar men bıznes ókilderiniń qatysýymen talqylanýda.
Ulttyq palata jańa júıeniń bıznes-prosester men EAEO aıasyndaǵy ózara saýdaǵa yqpalyn zerdeleý jumystaryn jalǵastyryp, kásipkerler qaýymdastyǵynan usynystar men keri baılanys qalyptastyryp jatyr.
Bıznes pen memlekettik organdar TJAR júıesin qoldaný tártibin talqylady